I Kôrintô 11:2 - Nau Brah Ndu Ngơi 2023

² Gâp tâm rnê ma khân may yorlah khân may kah gĭt ma gâp tâm lĕ rngôch ndơ, jêh ri răp jăp djôt prăp lĕ nau vay ơm gâp nti jêh ma khân may.

Bunong Bible Latin Script Cambodian dialect

² [Ơ oh nô ta nau nsing], gâp răm maak ma khân ay may hôm kah gĭt gâp, gâp rnê khân ay may, yorlah dâng lĕ ndơ i gâp lĕ đơn ntŭm nti khân ay may nơh, khân ay may ndjôt jan tâng kơt dadê.

Bunong

² [អើ​អ៝ស​នោ​តា​នាវ​ញឆីង] គ៝ប់​រាម់​មអាក​មា​ខាន់​អៃ​មៃ​ហោម​កាស​គឹត​គ៝ប់ គ៝ប់​រានេ​ខាន់​អៃ​មៃ យ៝រ​លាស​ទឹង​លែៈ​នទើ​អី​គ៝ប់​លែៈ​ដើន​នតុម​នតី​ខាន់​អៃ​មៃ​នើស ខាន់​អៃ​មៃ​ញអោត​ជាន​តឹង​កើត​ទាទេ។

I Kôrintô 11:2 Iomraidhean Croise

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

I Kôrintô 11:17

Ma lĕ nau ntăm nti jêh pakơi aơ, gâp mâu dơi tâm rnê ma khân may ôh, yorlah khân may tâm rƀŭn mâu djôt leo nau ueh lơn, ƀiălah jêng mhĭk lơn.

I Kôrintô 11:22

Khân may mâu geh hĕ ngih êng prăp sông sa nhêt? Mâu lah khân may tâm rmot ma Phung Ngih Brah Ndu, jêh ri ƀư bêk phung pưt kƀah? Moh ndơ gâp lah ma khân may? Tâm rnê ma khân may tâm nau nây ƀơh? Mâu, gâp mâu tâm rnê ôh!

I Kôrintô 15:2

Yor ma Nau Mhe Mhan Ueh nây, khân may geh nau klaih, tơlah khân may djôt prăp nau gâp mbơh nkoch; tơlah mâu di pônây, nau khân may chroh jêng dơm dam.

I Kôrintô 4:17

Yor ma nau nây, gâp njuăl jêh Y-Timôthê, kon gâp rŏng ngăn ngên jêh ri răp jăp tâm Kôranh Brah, păng hăn văch gay ma nkah tay ma khân may trong gâp tâm Brah Krist, nâm bu gâp ăt nti lah tâm Phung Ngih Brah Ndu tâm lam lĕ rngôch ntŭk.

I Kôrintô 7:17

Ăn ăp nơm gŭ rêh tĭng nâm nau yô̆ Kôranh Brah ăn, jêh ri tĭng nâm nau kuăl bơh Brah Ndu. Aơ jêng nau gâp nti jêh tâm lĕ rngôch Phung Ngih Brah Ndu.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

I Têsalônik 3:6

Ƀiălah nar aơ Y-Timôthê mhe plơ̆ sĭt tă bơh ntŭk khân may, hŏ nkoch jêh ma hên nau mhe jêng ueh ma nau chroh jêh ri ma nau khân may rŏng. Păng lah đŏng pô aơ ma khân may djôt prăp ƀaƀơ kah gĭt ndray ueh bơh hên, jêh ri ŭch saơ hên, nâm bu hên ŭch saơ khân may kơt nĕ lĕ.

II Têsalônik 2:15

Pônây, hơi khân may, gŭ nâp hom jêh ri tông prăp hom lĕ nau ntĭm nti hên hŏ nti ma khân may, mâu lah ma nau ngơi, mâu lah ma nau samƀŭt.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.