I Kôrintô 10:4 - Nau Brah Ndu Ngơi 2023

⁴ lĕ rngôch khân păng nhêt ndrel du ndơ nhêt brah; yorlah khân păng nhêt jêh dak ta lŭ toyh nau brah hăn ndrel ma khân păng; lŭ toyh nây jêng Brah Krist.

Bunong Bible Latin Script Cambodian dialect

⁴ jêh ri dâng lĕ khân păng i nây lĕ nhêt dak i tă bơh nau dơi Kôranh Brah ăn dadê. Khân păng lĕ nhêt jêh dak i lôh bơh lŭ klêr i tă bơh nau dơi Kôranh Brah ăn. Lŭ klêr i nây jêng nau mbên ma Brah Krist i hăn ndrel khân păng.

Bunong

⁴ ជេសរី​ទឹង​លែៈ​ខាន់​ពាង់​អី​នៃ​លែៈ​ញេត​ទាក​អី​តាៈ​ឞើស​នាវ​ទើយ​កោរាញ​ឞ្រាស​អ៝ន់​ទាទេ។ ខាន់​ពាង់​លែៈ​ញេត​ជេស​ទាក​អី​លោស​ឞើស​លុ​ក្លេរ​អី​តាៈ​ឞើស​នាវ​ទើយ​កោរាញ​ឞ្រាស​អ៝ន់។ លុ​ក្លេរ​អី​នៃ​ជេង​នាវ​មឞេន​មា​ឞ្រាស​ក្រីស  ​អី​ហាន់​នទ្រែល​ខាន់​ពាង់។

I Kôrintô 10:4 Iomraidhean Croise

Nau Ntơm 40:12

Y-Yôsep lah: “Aơ jêng nau rblang ma nau mbơi nây: Pe n'gĭng krăk ƀâu jêng pe nar.

Nau Ntơm 41:26

Pơh mlâm ndrôk lay rklĭn jêng pơh năm, pơh ndrŏng ba rnglay nây ăt jêng pơh năm đŏng; bar nau mbơi nây knŏng jêng nguay.

Nau Mprơ Ơm 105:41

Păng plah lŭ, dak luh dŭl ro Nâm bu du n'hor dak krong hoch tâm bri rdah.

Nau Mprơ Ơm 78:15

Păng rlah lŭ tâm bri rdah Jêh ri ăn khân păng nhêt dak mpay nau ŭch tâm ban ma tă bơh brŏng jru.

Nau Mprơ Ơm 78:20

Nđâp tơlah Păng dong jêh lŭ toyh Ăn luh dak rdŭl luh jêng dak n'hor, Dơi lĕ Păng ăn ƀănh? Jêh ri ăn puăch ma phung ƀon lan Păng lĕ?”

Nau Ngluh Êjipt 17:6

Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Daniel 2:38

Păng jao jêh tâm ti may phung kon bunuyh, mpô mpa tâm bri jêh ri sĭm tâm trôk; nđâp lah ta ntŭk khân păng ăt păng ăn may chiă uănh lĕ rngôch. Pônây, May jêng bôk nây ƀư ma mah.

Daniel 7:17

‘Puăn mlâm mpô mpa toyh nây jêng puăn nuyh hađăch mra chiă uănh ta neh ntu.

Nau Kơp Bunuyh 20:11

Ti Y-Môis djôt mâng yơr jêh ri dong ta lŭ toyh bar tơ̆. Dak luh rdŭl âk râk; phung tâm rƀŭn jêh ri mpô mpa rong khân păng nhêt đŏng.

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

Galati 4:25

H'Agar nâm bu ntĭt yôk Sinai tâm n'gor Arabi, nâm bu ƀon Yêrusalem aƀaơ aơ, yorlah ƀon nây ndrel ma phung kon jêng dĭk da dê.

Nau Vay Nkah Tay 9:21

Gâp djôt ndơ tih khân may, jêng rup kon ndrôk, su ndơ nây tâm ŭnh, nchah lơi ăn hăch, kĭn lơi kŏ se jêng rnih nâm bu ndruyh jêh nây nkhŭt ndruyh nây tâm n'hor dak hoch tă bơh klơ yôk.

Kôlôh 2:17

lĕ nau nây knŏng jêng gui n'hâm ma lĕ nau dăch tât, bi rup nanê̆ ngăn jêng Brah Krist.

ហេឞ្រើ 10:1

Yorlah nau vay geh knŏng gui n'hâm ma lĕ nau ueh tât pakơi, mâu di jêng rup ngăn ma ndơ ƀư brah; yor nây, phung bunuyh văch dăch Brah Ndu mâu geh nau dŭt ueh ôh bơh mpa ƀư brah bu nhhơr ƀaƀơ ăp năm.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.