I Kôrintô 1:9 - Nau Brah Ndu Ngơi 2023

⁹ Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

Bunong Bible Latin Script Cambodian dialect

⁹ Kôranh Brah răp jăp ngăn, Păng lĕ kuăl jêh khân ay may ăn gŭ tâm rnglăp ndrel Kon Păng nơm, jêng Brah Yêsu Krist i Kôranh bân.

Bunong

⁹ កោរាញ​ឞ្រាស​រាប់​ជាប់​ងាន់ ពាង់​លែៈ​ក្វាល់​ជេស​ខាន់​អៃ​មៃ​អ៝ន់​គុ​តឹម​រាង្លាប់​នទ្រែល​ក៝ន​ពាង់​នើម ជេង​ឞ្រាស​យេឆូ​ក្រីស  ​អី​កោរាញ​ឞ៝ន់។

I Kôrintô 1:9 Iomraidhean Croise

Nau Mprơ Ơm 100:5

Yorlah Brah Yêhôva jêng ueh, Nau ueh Păng hôm geh mro mrăng Jêh ri nau răp jăp Păng hôm gŭ n'ho ro.

Êsai 11:5

Nau sŏng srăng mra jêng rse vân bŭt Păng, Jêh ri nau răp jăp mra jêng rse vân n'gang bŭt Păng.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 49:7

Brah Yêhôva, Nơm Tâm Chuai jêh ri nơm Kloh Ueh Israel, Lah ma nơm bu rmot ngăn, Ma nơm phung ƀon lan aơ mưch rmot, jêng oh mon ma nơm geh nau dơi toyh: “Phung hađăch mra saơ jêh ri dâk; Phung kon hađăch mra păn mbah, Yorlah Brah Yêhôva jêng Nơm răp jăp, Nơm Kloh Ueh Israel, Nơm săch jêh may.”

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Samƀŭt Pôl Njuăl Ăn Ma Phung Nsing Ta Ƀon Rôm 11:17

Ƀiălah tơlah geh n'gĭng ƀaƀă bu koh lơi, jêh ri may ơm jêng du tơm ôlive bri tâm ndop lĭr ta ntŭk lĕ n'gĭng nây gay ma dơi tâm pă dak rêh bơh reh tơm ôlive

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Samƀŭt Pôl Njuăl Ăn Ma Phung Nsing Ta Ƀon Rôm 8:30

Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 9:24

tâm nây geh he, jêng phung Păng kuăl jêh, mâu di knŏng bơh phung Yuđa dơm ôh, ƀiălah nđâp ma phung bu năch, mhâm hơh?

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

I Kôrintô 10:16

Kachok nau ueh maak he lah ueh, mâu di hĕ păng jêng geh du kô̆ tâm mham Brah Krist? Piăng let he nkê̆ch nây mâu di hĕ jêng du kô̆ tâm săk jăn Brah Krist?

II Kôrintô 1:18

Nanê̆ nâm bu Brah Ndu jêng răp jăp, nau hên ngơi jêh ma khân may mâu di geh tơ̆ lah “Ơ” geh tơ̆ lah “Mâu” ôh.

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Êphêsô 3:6

Nau khlay ndâp nây pô aơ: Yor Nau Mhe Mhan Ueh phung bu năch plơ̆ jêng phung ndơn drăp, lĕ kô̆ săk jăn tâm du nglay săk, jêh ri phung bunuyh tâm pă ndrel ma nau ton tâm Brah Yêsu Krist.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

II Têsalônik 2:14

Yor nau nây đŏng, Păng hŏ dŏng Nau Mhe Mhan Ueh hên kuăl khân may gay dơn nau chrêk rmah bơh Kôranh Brah he jêng Brah Yêsu Krist.

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

II Timôthê 2:13

Tơlah he mâu gŭ răp jăp, Păng ăt gŭ răp jăp; Yorlah Păng mâu dơi dun ma Păng nơm ôh.

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

ហេឞ្រើ 10:23

He djôt nâp hom nau mbơh nkoch ma nau he kâp gân mâu mpât n'gơ, yorlah Nơm ton jêh ma he, Păng jêng nau răp jăp.

ហេឞ្រើ 11:11

Yor ma nau chroh, yơh H'Sara dơi deh kon, nđâp tơlah mâu bă kon jêh ri hŏ ranh kđôi lĕ, yorlah păng chroh ma Nơm ton jêh ma păng nơm jêng nau răp jăp.

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 4:13

Tă bơh nau aơ, he gĭt năl he nơm gŭ tâm Păng jêh ri Păng tâm he, yorlah Păng ăn jêh Brah Huêng Ueh Păng ma he.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.