I Kôrintô 1:5 - Nau Brah Ndu Ngơi 2023

⁵ yorlah tâm Păng, khân may geh nau rmeh ler ma lĕ nau kan, lĕ nau ngơi jêh ri nau gĭt rbăng —

Bunong Bible Latin Script Cambodian dialect

⁵ Tă bơh khân ay may gŭ ndrel Brah Krist, dâng Kôranh Brah lĕ ăn ma khân ay may ăp ntil ndơ i geh khlay, Păng lĕ ăn khân ay may ŏk ntil ndơ: Ăn blao nti bu, nđâp ma lĕ ăn khân ay may gĭt vât ăp ntil mpeh ma nau Păng.

Bunong

⁵ តាៈ​ឞើស​ខាន់​អៃ​មៃ​គុ​នទ្រែល​ឞ្រាស​ក្រីស  ទឹង​កោរាញ​ឞ្រាស​លែៈ​អ៝ន់​មា​ខាន់​អៃ​មៃ​អាប់​នតីល​នទើ​អី​គែស​ខ្លៃ ពាង់​លែៈ​អ៝ន់​ខាន់​អៃ​មៃ​អ៝ក់​នតីល​នទើ៖ អ៝ន់​ឞ្លាវ​នតី​ឞូ នអ៝ប់​មា​លែៈ​អ៝ន់​ខាន់​អៃ​មៃ​គឹត​វ៝ត់​អាប់​នតីល​មពែស​មា​នាវ​ពាង់។

I Kôrintô 1:5 Iomraidhean Croise

Kôranh Oh Mon 2:4

Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

Samƀŭt Pôl Njuăl Ăn Ma Phung Nsing Ta Ƀon Rôm 11:12

Tơlah nau ƀư tih khân păng ƀư ndrŏng jêh ma neh ntu, jêh ri tơlah nau rai yot khân păng hŏ ƀư ndrŏng ma phung bu năch, nau bêng ler khân păng mra lơ hô ƀư ndrŏng rlau lơn âk ngăn!

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

I Kôrintô 12:10

Bunuyh dơi ƀư lĕ nau mbên khlay, bunuyh dơi ngơi nau mbơh lor, bunuyh dơi năl lĕ brah, bunuyh dơi ngơi lĕ nau ngơi êng, bunuyh dơi gĭt rblang lĕ nau ngơi nây.

I Kôrintô 12:8

Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 13:8

Nau rŏng mâu blau dŭt ôh. Lĕ nau mbơh lor mra lôch, nau dơi ăn ngơi nau bu năch mra nsrŭng, nau gĭt rbăng mra rlau lôch.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 8:11

Pôri nau may gĭt rbăng ƀư rai yot bunuyh rdja nây, jêng phung Brah Krist khĭt ntrok an jêh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

II Kôrintô 8:7

Yorlah, nâm bu khân may jêng ueh ngăn tâm lĕ rngôch nau: Nau chroh, nau ngơi, nau gĭt rbăng, nau duh nđơr jêh ri nau rŏng ma hên, pôri ăn khân may jêng ueh lơn tâm nau ăn ndơ tâm kơl.

II Kôrintô 9:11

Khân may mra dơi ndrŏng tâm ăp ntil ndơ gay ƀư lĕ ndơ tâm kơl; gay bơh he, bu mra lah ueh ma Brah Ndu.

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;

Philip 1:9

Tâm nau gâp dăn mbơh sơm, nây jêng nau rŏng khân may lơ nar lơ hao lơn, ndrel ma nau gĭt rbăng jêh ri lĕ rngôch gĭt vât jru ngăn,

Kôlôh 2:3

tâm Păng pôn prăp lĕ rngôch drăp ndơ khlay ma nau blau mĭn jêh ri nau gĭt rbăng.

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.