I Kôrintô 1:10 - Nau Brah Ndu Ngơi 2023

¹⁰ Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

Bunong Bible Latin Script Cambodian dialect

¹⁰ Ơ oh nô ta nau nsing, tă bơh nau dơi Brah Yêsu Krist i Kôranh bân gŭ ta gâp, dâng gâp dăn khân ay may hô ngăn, ăn khân ay may mbơh ngơi du ntôr nau hŏ, lơi ôh tâm nkhah mpôl, ăn geh nau mân du ntôr nau hŏ, ăn geh nuih n'hâm du ntôr đŏng.

Bunong

¹⁰ អើ​អ៝ស​នោ​តា​នាវ​ញឆីង តាៈ​ឞើស​នាវ​ទើយ​ឞ្រាស​យេឆូ​ក្រីស  ​អី​កោរាញ​ឞ៝ន់​គុ​តា​គ៝ប់ ទឹង​គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​មឞើស​ងើយ​ទូ​នតោរ​នាវ​ហ៝ៈ លើយ​អោស​តឹម​ងខាស​មពោល អ៝ន់​គែស​នាវ​មឹន​ទូ​នតោរ​នាវ​ហ៝ៈ អ៝ន់​គែស​នូយ្ស​នហ៝ម់​ទូ​នតោរ​ដ៝ង់។

I Kôrintô 1:10 Iomraidhean Croise

Nau Mprơ Ơm 133:1

Ri, oh nâu gŭ ngau tâm rnglăp ndrăng khân may Ueh maak ngăn yơh!

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Mathay 9:16

Mâu mâp ôh geh bunuyh jĭm du blah bok mhe lăp ta ao ơm, yorlah blah bok mhe mra ƀư sat ao ơm jêh ri ntŭk sat mra hêk huy lơn.

Markôs 2:21

Mâu geh du huê bunuyh jĭm bok mhe ndop đah ao ơm ôh; lah ƀư pônây blah bok mhe mra ƀư sat ao ơm, ntŭk sat mra hêk huy lơn.

Markôs 3:24

Tơlah du bri dak tâm nkhah êng păng nơm, bri dak nây mâu dơi dâk nâp ôh;

Yôhan 10:19

Yor lĕ nau ngơi aơ, phung Yuđa lŏ geh nau tâm nkhah.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Yôhan 7:43

Pôri, yor Păng phung ƀon lan tâm nkhah ndrăng khân păng.

Yôhan 9:16

Ƀaƀă bunuyh tâm phung Pharisi lah: “Bunuyh nây mâu di luh tă bơh Brah Ndu ôh, yorlah mâu djôt prăp nar saƀat.” Phung êng lah: “Du huê bunuyh tih mâm dơi ƀư lĕ nau mbên khlay kơt nây?” Jêh ri khân păng geh nau tâm nkhah ndrăng khân păng.

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 1:13

Hơi phung oh nâu, gâp ŭch ma khân may gĭt âk tơ̆ jêh gâp tâm nal hăn khâl khân may gay ma rek peh play kao âk ƀhôi tâm phung khân may, tâm ban đŏng ma phung mpôl băl bunuyh êng; ƀiălah gâp geh nau buay tât nar aơ.

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Samƀŭt Pôl Njuăl Ăn Ma Phung Nsing Ta Ƀon Rôm 15:30

Hơi phung oh nâu, yor ma Kôranh Brah he jêng Brah Yêsu Krist jêh ri ma nau rŏng bơh Brah Huêng Ueh, gâp vơh vơl ma khân may ndrel ma gâp tâm lơh tâm nau mbơh sơm ma Brah Ndu yor gâp,

Samƀŭt Pôl Njuăl Ăn Ma Phung Nsing Ta Ƀon Rôm 16:17

Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.

I Kôrintô 1:11

Hơi phung oh nâu, bunuyh tâm ngih Y-Klôê mbơh jêh ma gâp gĭt tâm phung khân may geh nau tâm jin.

I Kôrintô 11:18

Lor lơn, gâp tăng pô aơ, tơlah khân may tâm rƀŭn tâm Phung Ngih Brah Ndu, geh nau tâm pă tâm phung khân may; gâp chroh nau aơ geh du kô̆ di ngăn.

I Kôrintô 12:25

gay ma mâu geh nau tâm nkhah tâm pă tâm săk jăn ôh, ƀiălah lĕ kô̆ tâm săk jăn geh nau rvê ndrel ma ndrăng khân păng.

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

I Kôrintô 4:16

Pôri, gâp vơl dăn khân may: kơt hom gâp.

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

II Kôrintô 5:20

Pôri, hên jêng nơm mbơh ma Brah Krist, Brah Ndu dŏng hên gay ntĭm nti. Hên vơl dăn ma khân may tâm amoh Brah Krist, ăn tâm nsĭr hom khân may đah Brah Ndu.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Galati 4:12

Hơi oh nâu, gâp dăn ma khân may plơ̆ jêng hom nâm bu gâp, yorlah gâp jêng nâm bu khân may. Khân may mâu ƀư mhĭk ma gâp ôh.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 3:16

Nđâp lah kơt nĕ, ta moh keh he dơi tât, nhuat hăn hom kơt nây.

I Têsalônik 5:13

Sŏk hom nau rŏng gay yơk tông ma khân păng yor nau kan khân păng ƀư. Gŭ rêh hom rnglăp ndrel ndrăng khân may nơm.

II Têsalônik 2:1

Hơi phung oh nâu, nau plơ̆ văch Kôranh Brah he jêng Brah Yêsu Krist, jêh ri nau rgum he ndrel ma Păng, hên dăn khân may

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may:

Yôsuê 22:15

Khân păng văch ma phung Ruben, phung Gat, jêh ri du n'gul ndŭl mpôl Manasê tâm bri Gilêat jêh ri lah:

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.