II Samuel 9:7 - Nau Brah Ndu Ngơi 2023

⁷ Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

II Samuel 9:7 Iomraidhean Croise

Nau Ntơm 43:18

Phung nây klach yorlah bu njŭn leo khân păng ta ngih Y-Yôsep. Khân păng tâm lah ndrăng khân păng: “Yor prăk bu hŏ mplơ̆ jêh tâm ƀau ba he nôk alor rĭ dĭng khân păng njŭn he ta aơ gay joi nau ƀư mhĭk lơh he, nhŭp he ƀư dĭk jêh ri pit lơi seh bri he.”

Nau Ntơm 43:23

Bunuyh mât ngih lah: “Gŭ đăp mpăn hom, lơi klach ôh! Brah Ndu khân may, jêng Brah Ndu mbơ̆ khân may, ăn jêh prăk tâm ƀau ba khân may. Bi prăk khân may gâp hŏ sŏk dơn jêh.” Jêh nây păng njŭn Y-Simêôn ma phung nây,

II Samuel 12:8

Gâp hŏ ăn lĕ ma may ngih kôranh may, jêh ri jao phung ur kôranh may ma ntang ntơh may. Gâp ăn jêh ma may lĕ ngih Israel jêh ri ngih Yuđa; jêh ri tơlah nau nây hôm djê̆ ir, nanê̆ Gâp mra ăn ntop ma may geh âk lơn đŏng.

II Samuel 19:28

Yorlah lĕ rngôch ngih mbơ̆ gâp knŏng jêng phung bunuyh prăp ma nau khĭt tanăp măt hađăch jêng kôranh gâp dơm, ƀiălah may n'gân dơm oh mon may ndrel ma phung gŭ sông sa ta sưng sông may. Pônây, moh nau dơi êng đŏng gâp hôm geh gay ŭch dăn ma hađăch?”

II Samuel 19:29

Hađăch plơ̆ lah ma păng: “Ndơ hôm may ngơi ma nau kan may? Gâp hŏ đă jêh may jêh ri Y-Siba tâm pă hom neh.”

II Samuel 19:33

Hađăch lah ma Y-Barsilai: “Hăn rgăn hom dak krong Yurdan ndrel ma gâp jêh ri gŭ ndrel ma gâp ta Yêrusalem, gâp siăm rong may.”

II Samuel 21:7

Y-Đavit om Y-Mêphibôset, kon bu klâu Y-Jônathan, sau Y-Sôl, yor nau sơm ton tâm ton Y-Đavit đah Y-Jônathan, kon bu klâu Y-Sôl, hŏ ƀư nau tâm rnglăp tanăp măt Brah Yêhôva.

II Samuel 9:1

Rnôk nây, Y-Đavit lah: “Geh bunuyh hôm rêh lĕ bơh ngih Y-Sôl?” Gâp ŭch ƀư ueh ma păng yor tă bơh Y-Jônathan.

II Samuel 9:10

Pôri, ăn may ndrel ma phung kon bu klâu jêh ri oh mon may jik kai mir nây ma păng, jêh nây sŏk play kao gay ma kon sau kôranh may dơi geh ndơ sông sa. Bi Y-Mêphibôset, kon sau kôranh may, mra sông sa mro ta sưng sông gâp.” Rnôk nây, Y-Siba geh jât ma prăm nuyh kon bu klâu jêh ri bar jât nuyh oh mon.

II Samuel 9:11

Y-Siba lah ma hađăch: “Oh mon hađăch mra ƀư lĕ nau hađăch jêng kôranh gâp ntĭnh.” Pônây Y-Mêphibôset sông sa ta sưng sông hađăch Đavit nâm du huê tâm phung kon bu klâu hađăch.

II Samuel 9:13

Pônây, Mêphibôset gŭ ta Yêrusalem yorlah păng dơi sông ta sưng sông hađăch, nđâp lah păng rvĕn lĕ bar jâng.

II Samuel 9:3

Hađăch lah tay: “Hôm e lĕ du huê tâm ngih Y-Sôl? Gâp ŭch sŏk nau ueh Brah Ndu gay ăn ma păng?” Y-Siba lah ma hađăch: “Y-Jônathan hôm e geh du huê kon bu klâu păng rvĕn lĕ bar jâng.”

I Phung Hađăch 2:7

Bi đah phung kon Y-Barsilai, bunuyh Gilêat, may gŭ ngao hom ma nau ueh đah khân păng. Ăn hom ma khân păng sông nsum du sưng n'hanh may, yorlah khân păng hŏ gŭ ndrel gâp nôk gâp nchuăt du bơh Y-Apsalôm, nâu may.

II Phung Hađăch 25:29

Hađăch Babilôn doh lơi ao ndrung Y-Jêhôjakin jêh ri ăn păng sông sa ta sưng sông hađăch lĕ rnôk rô̆ păng gŭ rêh.

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Yêrêmi 52:33

Pônây, Y-Jêhôjakin doh lơi ao ndrung, ăp nar sông sa ndrel ma hađăch du bông nau rêh.

Sakari 7:9

“Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Mathay 6:11

Ăn ma hên ndơ sông sa nar aơ ăn tŏng;

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.

I Samuel 12:24

Knŏng khân may klach yơk ma Brah Yêhôva, sŏk lĕ nuih n'hâm răp jăp pah kan ma Păng. Uănh hom lĕ nau kan toyh Păng hŏ ƀư jêh ma khân may!

I Samuel 20:15

nđâp lah Brah Yêhôva ƀư rai lĕ rngôch phung rlăng Y-Đavit tă bơh klơ neh ntu kŏ tât lôch, pôri lơi ta ƀư roh nau yô̆ an ma ngih vâl gâp kŏ tât ƀaƀơ n'ho ro tâm ban lĕ.”

I Samuel 22:23

Gŭ hom ndrel ma gâp, lơi klach ôh! Yorlah mbu joi nau ƀư mhĭk ma nau rêh may jêng joi nau ƀư mhĭk đŏng ma nau rêh gâp. Gŭ ndrel ma gâp, may mra dơi geh nau đăp mpăn.”