II Samuel 9:11 - Nau Brah Ndu Ngơi 2023

¹¹ Y-Siba lah ma hađăch: “Oh mon hađăch mra ƀư lĕ nau hađăch jêng kôranh gâp ntĭnh.” Pônây Y-Mêphibôset sông sa ta sưng sông hađăch Đavit nâm du huê tâm phung kon bu klâu hađăch.

II Samuel 9:11 Iomraidhean Croise

II Samuel 15:15

Phung oh mon hađăch lah: “Ơ, moh nau hađăch jêng kôranh hên ntrâng ƀư jêh, phung oh mon hađăch mra ƀư tĭng kơt.”

II Samuel 19:17

Du rbăn nuyh phung Benjamin hăn ndrel ma păng. Geh đŏng Y-Siba, oh mon tâm ngih Y-Sôl, ndrel ma jât mprăm nuyh kon bu klâu păng jêh ri bar jât nuyh phung oh mon, khân păng hăn ndal tât ta dak krong Yurdan lor panăp hađăch.

II Samuel 19:24

Y-Mêphibôset, kon Y-Sôl, tâm ban đŏng hăn trŭnh chuă vơt hađăch. Păng mâu geh rao jâng ôh, mâu lĕ kreh têp, jêh ri mâu lah pih kho ao păng, ntơm bơh nar hađăch luh hăn kŏ tât nar păng plơ̆ sĭt ma nau đăp mpăn.

II Samuel 19:26

Păng plơ̆ sĭt lah: “Hơi hađăch jêng kôranh gâp, oh mon gâp ndơm gâp. Yorlah oh mon may jêng rvĕn, rĭ dĭng đă păng: ‘Sâm rêt ưn seh bri gay ma gâp dơi ncho hăn ndrel hađăch.’

II Samuel 9:10

Pôri, ăn may ndrel ma phung kon bu klâu jêh ri oh mon may jik kai mir nây ma păng, jêh nây sŏk play kao gay ma kon sau kôranh may dơi geh ndơ sông sa. Bi Y-Mêphibôset, kon sau kôranh may, mra sông sa mro ta sưng sông gâp.” Rnôk nây, Y-Siba geh jât ma prăm nuyh kon bu klâu jêh ri bar jât nuyh oh mon.

II Samuel 9:12

Y-Mêphibôset geh du huê kon bu klâu jê̆ amoh Y-Mika. Lĕ rngôch phung gŭ tâm ngih Y-Siba jêng phung oh mon Y-Mêphibôset.

II Samuel 9:13

Pônây, Mêphibôset gŭ ta Yêrusalem yorlah păng dơi sông ta sưng sông hađăch, nđâp lah păng rvĕn lĕ bar jâng.