II Samuel 8:6 - Nau Brah Ndu Ngơi 2023

⁶ Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

II Samuel 8:6 Iomraidhean Croise

II Samuel 10:19

Tơlah lĕ rngôch phung hađăch jêng phung oh mon Y-Hadadêser saơ phung Israel dơi jêh đah khân păng, khân păng ƀư nau đăp mpăn đah phung Israel jêh ri pah kan phung Israel. Phung Aram mâu hôm ŭch kơl ôh ma phung Ammôn.

II Samuel 23:14

Rnôk nây Y-Đavit gŭ tâm pôih, bi mpôl phung tahan Philistin gŭ ta ƀon Ƀêtlêhem.

II Samuel 3:18

Pôri aƀaơ, ƀư hom; yorlah Brah Yêhôva geh lah ma Y-Đavit pô aơ: ‘Yorlah oh mon Gâp jêng Y-Đavit, Gâp mra tâm rklaih phung ƀon lan Israel tă bơh ti phung Philistin jêh ri bơh ti lĕ rngôch phung rlăng khân păng.’”

II Samuel 5:10

Y-Đavit lơ nar lơ janh ktang, yorlah Brah Yêhôva jêng Brah Ndu ma phung tahan gŭ ndrel ma păng.

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

II Samuel 8:14

Păng njêng pôih tâm lam n'gor Êđôm, jêh ri lĕ rngôch phung Êđôm gŭ tâm dâng Y-Đavit. Brah Yêhôva ăn nau dơi ma Y-Đavit ăp ntŭk păng hăn.

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Samuel 8:7

Y-Đavit sŏk lĕ khêl mah bơh phung oh mon Y-Hadadêser djôt jêh ri leo ndơ nây sĭt ma Yêrusalem.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

II Phung Hađăch 1:1

Jêh Y-Ahap khĭt, phung Môap dâk tâm rdâng đah phung Israel.

II Phung Hađăch 14:28

Mâu di hĕ lĕ kan êng Y-Jêrôbôam, lĕ nau păng ƀư jêh, nau ktang păng, nau păng hŏ lơh jêh ri nau păng sŏk sĭt tay ƀon Damas jêh ri ƀon Hamat tă bơh phung Yuđa mplơ̆ ma phung Israel, bu hŏ nchih da dê tâm ndrom samƀŭt nau rêh jêng ma phung hađăch Israel?

II Phung Hađăch 18:7

Yor ri, Brah Yêhôva gŭ ndrel păng, ăp nau păng ƀư, păng geh nau dơi. Păng dâk tâm rdâng dah hađăch Asiri, mâu tông bâr ma păng ôh.

II Phung Hađăch 3:4

Nôk nây Y-Mêsa, hađăch n'gor Môap rong âk biăp jêh ri păng chê̆ pi ma hađăch Israel du rsen mlâm biăp kon, jêh ri rsau du rsen mlâm biăp nkuăng.

I Nau Rêh Jêng 18:13

Păng ndâk pôih tahan tâm n'gor Êđôm, jêh ri lĕ rngôch phung Êđôm jêng oh mon ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn.

II Nau Rêh Jêng 17:2

Păng dơm phung tahan tâm lĕ rngôch ƀon nâp tâm n'gor Yuđa, ƀư pôih tahan tâm n'gor Yuđa jêh ri tâm lĕ ƀon ta Êphraim jêng lĕ ƀon Y-Asa, mbơ̆ păng hŏ pit in jêh.

Nau Mprơ Ơm 140:7

Ơ Kôranh Brah jêng Brah Yêhôva, jêng nau ktang tâm rklaih gâp, May king n'gang bôk gâp ta nar tâm lơh.

Nau Mprơ Ơm 60:10

Ơ Brah Ndu, mâu di hĕ May chalơi jêh hên? Ơ Brah Ndu, May mâu hôm hăn tâm lơh ndrel ma phung tahan hên đŏng hĕ?

Nau Hôr 21:31

Seh ndrăp ăn nar tâm lơh, Ƀiălah nau dơi tâm lơh tă bơh Brah Yêhôva.

I Samuel 13:3

Y-Jônathan dơi tâm lơh đah pôih phung tahan Philistin ta Gêba, phung Philistin gĭt nau nây. Bi Y-Sôl ăn bu uh nŭng lam n'gor jêh ri lah pô aơ: “Phung ƀon lan Hêbrơ gŭ iăt hom!”

I Samuel 14:1

Du nar, Y-Jônathan, kon Y-Sôl, lah ma bu klâu ndăm tuy ndơ tâm lơh ma păng: “Kay lŏng, he hăn rgăn hom pôih tahan phung Philistin gŭ mpeh đah ri.” Ƀiălah păng mâu mbơh ôh ma mbơ̆ păng gĭt.

I Samuel 14:15

Nau klach tât tâm lam pôih tahan, tâm mir, jêh ri tâm lĕ phung ƀon lan Philistin. Phung tahan tâm pôih tâm ban đŏng phung tahan hăn lơh ntŭng krit da dê, neh n'gơ n'găr. Nây jêng nau krit toyh ngăn bơh Brah Ndu ƀư.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”