II Samuel 8:16 - Nau Brah Ndu Ngơi 2023

¹⁶ Y-Jôap, kon H'Sêruya, jêng kôranh toyh ma lĕ rngôch phung tahan; Y-Jêhôsaphat, kon Y-Ahilut, jêng kôranh kâp nchih samƀŭt prăp nau tât;

II Samuel 8:16 Iomraidhean Croise

II Samuel 18:2

Y-Đavit prơh hăn phung tahan, du kô̆ tâm pe Y-Jôap mât uănh, du kô̆ tâm pe Y-Abisai, kon bu klâu H'Sêruya, oh Y-Jôap mât uănh, du kô̆ tâm pe Y-Itai bu klâu Gitit mât gai. Jêh ri hađăch lah ma phung tahan, “Gâp nơm tâm ban lĕ mra hăn ndrel ma khân may.”

II Samuel 19:13

Khân may tâm ban lĕ lah hom ma Y-Amasa pô aơ: ‘Mâu di hĕ may jêng nting gâp jêh ri nglay săk gâp? Tơlah ntơm aƀaơ rlet panăp, may mâu ƀư kôranh ma phung tahan gâp ntrok ma Y-Jôap, dăn Brah Ndu rmal ma gâp jâk ngăn.’”

II Samuel 2:13

Y-Jôap, kon H'Sêruya, jêh ri phung oh mon Y-Đavit tâm ban lĕ hăn tât. Khân păng tâm mâp ndrăng khân păng ta dak nglao Gibêôn; du phung gŭ mpeh đah aơ dak nglao, jêh ri du phung êng gŭ mpeh đah ri.

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 4:3

Y-Êlihôrep jêh ri Y-Ahija, phung kon bu klâu Y-Sisa, jêng phung nchih samƀŭt; Y-Jêhôsaphat, kon bu klâu Y-Ahilut, jêng nơm kâp nchih prăp nau tât;

II Phung Hađăch 18:18

Khân păng dăn tâm mâp ma hađăch. Ƀiălah kôranh mât uănh ngih hađăch jêng Y-Êliakim, kon Y-Hilkia, kôranh nchih samƀŭt Y-Sêpna, jêh ri nơm kâp nchih nau tât jêng Y-Jôa, kon Y-Asap, luh ran vơt ma khân păng.

II Phung Hađăch 18:37

Y-Êliakim, kon Y-Hilkia jêng kôranh mât uănh ngih hađăch, Y-Sêpna jêng kôranh nchih samƀŭt jêh ri Y-Jôa jêng kôranh kâp nchih samƀŭt nau tât, kon Y-Asap, nkhêk ao khân păng nơm, jêh nây plơ̆ sĭt nkoch tay ma hađăch Hêsêkia lĕ nau Y-Rabshakeh ngơi.

I Nau Rêh Jêng 11:6

Y-Đavit lah: “Mbu nơm mra dong phung Jêbusit lor lơn mra jêng kôranh chiă uănh toyh jêh ri kôranh ma phung tahan.” Y-Jôap, kon H'Sêruya hăn hao lor, pônây păng jêng kôranh chiă uănh toyh ro.