II Samuel 7:6 - Nau Brah Ndu Ngơi 2023

⁶ May gĭt lĕ ntơm bơh nar Gâp njŭn leo phung Israel du luh bơh Êjipt kŏ tât ta nar aơ, Gâp mâu gŭ ôh ma du mlâm ngih brah, ƀiălah Gâp hăn nsong ta aơ ta ri gŭ tâm ngih bok jêh ri Ngih Bok.

II Samuel 7:6 Iomraidhean Croise

II Samuel 11:11

Y-Uri plơ̆ lah ma Y-Đavit: “Hip Nau Tâm Rnglăp nâm bu phung ƀon lan Israel jêh ri phung Yuđa dôl gŭ tâm ngih bok, kôranh gâp jêng Y-Jôap ndrel ma phung oh mon kôranh gâp gŭ njơh tâm mir, bi gâp plơ̆ sĭt tâm ngih gâp gay sông sa nhêt jêh ri bê̆ch ndrel ma ur gâp lĕ? Nanê̆ tĭng nâm hađăch jêh ri huêng hađăch ăt hôm rêh, gâp mâu mra ƀư nau nây ôh!”

I Phung Hađăch 8:16

‘Ntơm bơh nar Gâp hŏ njŭn leo phung ƀon lan Gâp jêng Israel du luh tă bơh Êjipt, Gâp mâu mâp săch ôh du rplay ƀon êng tâm lĕ rngôch ndŭl mpôl Israel gay ndâk du mlâm ngih brah ma amoh Gâp gŭ ta nây. Ƀiălah Gâp hŏ săch Y-Đavit gay păng chiă uănh phung ƀon lan Israel Gâp.’

Kôranh Oh Mon 7:44

Phung chô yau hŏ geh jêh Vâl Bok Nau Tâm Rnglăp tâm bri rdah, tĭng nâm Brah Ndu hŏ ntrŭnh nau ntăm ma Y-Môis ƀư di tĭng nâm rup ngih păng saơ jêh.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Vay Nkah Tay 23:14

Yorlah Yêhôva Brah Ndu hăn nsong tâm nklang rmlak tahan khân may, gay ma tâm rklaih jêh ri jao phung rlăng ma khân may, yor ri ăn rmlak tahan khân may jêng kloh ueh, gay ma Păng mâu saơ ôh du ntil ndơ ƀơ̆ ta nklang khân may kŏ tât du tă bơh khân may.”

Yôsuê 18:1

Lĕ rngôch phung Israel tâm rƀŭn rgum ta ƀon Silô jêh ri ndâk Ngih Bok Nau Tâm Rƀŭn ta nây. Lĕ n'gor bri gŭ tâm dâng nau dơi chiă uănh khân păng.

Nau Tâm Mpơl 2:1

“Nchih hom ma phung tông mpăr ma Phung Ngih Brah Ndu ta ƀon Êphêsô pô aơ: Aơ jêng nau ngơi Nơm djôt pơh mănh mbing tâm ti ma, jêh ri hăn ta nklang pơh jâng kađen mah:

Phung Kôranh Phat Dôih 20:27

Rnôk nây, Hip Nau Tâm Rnglăp Brah Yêhôva gŭ ta nây, geh Y-Phinêas, kon bu klâu Y-Êlêasar, sau Y-Arôn, pah kan tanăp măt Brah Yêhôva. Pônây, Phung ƀon lan Israel ôp ma Brah Yêhôva pô aơ: “Mâm hên mra plơ̆ tay hăn lơh đŏng đah phung oh nâu hên jêng phung Benjamin, mâu lah hên mra rlu?” Brah Yêhôva lah: “Hăn hao hom, yorlah ôi taơ Gâp mra jao khân păng tâm ti may.”