II Samuel 7:25 - Nau Brah Ndu Ngơi 2023

²⁵ Pônây aƀaơ, hơi Yêhôva Brah Ndu! Dăn ƀư nâp ktang kŏ tât ƀaƀơ n'ho ro lĕ nau May ngơi jêh ma oh mon May jêh ri ma nau chiă uănh păng, jêh ri ƀư di tĭng nâm nau May ngơi jêh.

II Samuel 7:25 Iomraidhean Croise

Nau Ntơm 32:12

Ƀiălah May nơm hŏ ton jêh ma gâp: ‘Nanê̆ May mra ƀư ueh ma gâp jêh ri ƀư ma noi deh gâp âk tâm ban ma choih dak mƀŭt, bu mâu dơi kơp ôh yor dŭt âk.’”

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 8:26

Hơi Brah Ndu phung Israel! Dăn Kôranh Brah ƀư tât di ngăn nau May hŏ ton đah oh mon May êng Y-Đavit, mbơ̆ gâp.

II Nau Rêh Jêng 6:17

Yor nây, Ơ Yêhôva Brah Ndu phung Israel! Ăn nau May hŏ ngơi jêh ma Y-Đavit, oh mon May dơi tât di ngăn.

Nau Mprơ Ơm 119:38

Ăn May ƀư tât di ngăn nau May ngơi đah phung oh mon May, Jêng nơm klach yơk ma May.

Nau Mprơ Ơm 119:49

Dăn May kah gĭt tay hom nau May hŏ ngơi ma oh mon May, Yor nau ngơi nây, May ƀư ăn gâp geh nau kâp gân.

Êsêkiêl 36:37

Kôranh Brah Yêhôva lah: ‘Gâp ŭch ngih Israel dăn ma Gâp gay Gâp ƀư ăn nau aơ: Nây jêng Gâp mra ntop âk phung ƀon lan khân păng nâm bu du phung biăp.

I Samuel 1:23

Y-Êlkana, sai păng lah: “Ƀư hom tĭng nau ay mĭn di, gŭ kâp ta aơ kŏ tât kon păng chalơi pu toh. Knŏng dăn Brah Yêhôva ƀư tât ngăn nau ton Păng!” Pônây, H'Anna gŭ ta ngih păng kŏ tât kon păng chalơi pu toh.