II Samuel 7:18 - Nau Brah Ndu Ngơi 2023

¹⁸ Hađăch Đavit hăn tât gŭ panăp măt Brah Yêhôva, jêh ri lah: “Hơi Kôranh Brah, Brah Yêhôva, mbu gâp jêng jêh ri mbu moh rnăk vâl gâp, dĭng May hŏ njŭn leo gâp tât ta ntŭk aơ?

II Samuel 7:18 Iomraidhean Croise

Nau Ntơm 32:10

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

Nau Ntơm 32:11

Ơ Brah Ndu, dăn rklaih an kon bơh ti Y-Êsau, nâu gâp, yorlah gâp klach păng mra văch nkhĭt gâp nđâp ma ur jêh ri phung kon gâp đŏng.

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

II Samuel 7:17

Y-Nathan hăn tât nkoch tay ma Y-Đavit lĕ rngôch nau ngơi tâm mpơl aơ.

I Nau Rêh Jêng 17:16

Hađăch Đavit hăn lăp, gŭ panăp măt Brah Yêhôva, jêh ri lah pô aơ: “Hơi Yêhôva Brah Ndu, mbu gâp jêng, jêh ri mbu moh rnăk vâl gâp, dĭng May hŏ njŭn leo gâp tât ta ntŭk aơ?

I Nau Rêh Jêng 29:14

Ƀiălah mbu gâp jêng jêh ri mbu phung ƀon lan gâp jêng dĭng hên dơi nhhơr ma nuih n'hâm lŏng tâm ban pô aơ? Yorlah lĕ rngôch ndơ luh bơh Kôranh Brah, jêh ri lĕ ndơ hên nhhơr ma May jêng ndơ May nơm.

Nau Mprơ Ơm 8:4

Moh nau kon bunuyh jêng, kŏ Kôranh Brah kah gĭt ma khân păng? Moh kon bunuyh jêng dĭng Kôranh Brah chop khâl păng?

Nau Ngluh Êjipt 3:11

Ƀiălah Y-Môis lah ma Brah Ndu: “Mbu gâp jêng kŏ gâp janh tât ta Pharaôn, jêh ri njŭn leo phung kon Israel luh bơh n'gor Êjipt?”

Êsai 37:14

Y-Hêsêkia sŏk dơn samƀŭt bơh phung mbơh jao tâm ti păng. Răk lôch jêh, hađăch hăn hao ro ma ngih Brah Yêhôva jêh ri ling samƀŭt tanăp Brah Yêhôva.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Phung Kôranh Phat Dôih 6:15

Y-Gidêôn ơh: “Hơi Kôranh Brah, mâm gâp dơi tâm rklaih phung Israel nây? Aơ, ndŭl mpôl gâp o ach lơn tâm phung Manasê, jêh ri gâp jêng nơm jê̆ lơn tâm ngih gâp.”

Bu ur Rut 2:10

H'Rut chon mon ta neh jêh ri ơh: “Mâm gâp dơi geh nau yô̆ tanăp măt may ƀư ăn may mĭn rvê ma gâp yorlah gâp jêng du huê bu năch?”

I Samuel 15:17

Y-Samuel lah: “Nôk may saơ may nơm hôm jê̆, mâu hĕ may jêng kôranh ma phung mpôl băl Israel? Mâu di hĕ Brah Yêhôva tŏ dak ƀâu kah ăn may chiă uănh ma phung Israel?

I Samuel 18:18

Y-Đavit lah ma Y-Sôl: “Mbu gâp jêng? Mbu băl mpôl gâp jêng? Mâm ngih mbơ̆ gâp tâm phung Israel kŏ tât gâp jêng klay ma hađăch?”

I Samuel 9:21

Y-Sôl lah: “Mâu di hĕ, gâp knŏng jêng du huê phung Benjamin, jêng du ndŭl mpôl jê̆ lơn tâm phung ndŭl mpôl Israel? Ndŭl mpôl gâp jê̆ lê̆ lơn ma lĕ rngôch ndŭl tâm noi deh Benjamin. Pônây, Mâm ƀư may ngơi nau pônây ma gâp?”