II Samuel 7:16 - Nau Brah Ndu Ngơi 2023

¹⁶ Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

II Samuel 7:16 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

II Samuel 22:51

Brah Yêhôva ăn nau tâm rklaih toyh ma hađăch Păng săch jêh, Jêh ri tâm mpơl nau ueh ma nơm Păng tŏ jêh dak ƀâu kah, Jêng Y-Đavit jêh ri ma noi deh păng kŏ tât ƀaƀơ n'ho ro.”

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

II Samuel 7:17

Y-Nathan hăn tât nkoch tay ma Y-Đavit lĕ rngôch nau ngơi tâm mpơl aơ.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 9:5

pôri Gâp mra ƀư ma sưng hađăch may dơi nâp ma phung Israel kŏ tât ƀaƀơ n'ho ro, di tĭng nâm Gâp ton jêh ma Y-Đavit, mbơ̆ may, pô aơ: ‘May mâu mra pưt ôh bunuyh chiă uănh thoi ntrok ta sưng hađăch phung Israel.’

II Phung Hađăch 19:34

Yor Gâp jêh ri yor Y-Đavit, oh mon Gâp, Gâp nơm mra king n'gang jêh ri tâm rklaih ƀon aơ.”

II Phung Hađăch 8:19

Ƀiălah yor Y-Đavit oh mon Brah Yêhôva, rĭ dĭng Păng mâu ŭch ƀư rai ôh phung Yuđa, tĭng nâm nau Păng hŏ ton ma Y-Đavit gay prăp ma păng du mlâm ŭnh kađen tanăp măt păng kŏ tât ƀaƀơ n'ho ro.

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

Ndrom Samƀŭt bơh Yôp 36:7

Păng treng uănh ƀaƀơ tât ma bunuyh sŏng srăng, Ăn ma khân păng gŭ klơ sưng hađăch ndrel ma phung hađăch, Păng njêng khân păng nâp ngăn ngên, jêh ri khân păng geh nau yơk mro.

Nau Mprơ Ơm 45:6

Ơ Brah Ndu, sưng hađăch May hôm ƀaƀơ n'ho ro; Nau dơi ƀon bri hađăch May jêng nau dơi sŏng.

Nau Mprơ Ơm 72:5

Tơlah nar, khay hôm gŭ jŏ Pôri păng mra gŭ rêh jŏ, jêh ri kŏ tât lĕ rngôch rnôk n'ho ro.

Nau Mprơ Ơm 89:4

‘Gâp mra njêng noi deh may mro mrăng, Jêh ri ndâk sưng hađăch nâp n'ho ro.’” (Sêla)

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 17:25

pôri phung hađăch thoi sưng hađăch Đavit jêh ri phung kôranh mra gŭ ndeh seh, ncho seh, ndrel ma phung kôranh Yuđa jêh ri phung ƀon lan gŭ ta ƀon Yêrusalem mra găn ta lĕ mpông mpêr lăp tâm ƀon; jêh ri ƀon nây mra hôm n'ho ro.

Yêrêmi 33:17

Brah Yêhôva lah: ‘Y-Đavit mâu mra pưt ôh du huê bunuyh gŭ ta sưng hađăch ngih Israel;

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Yôhan 12:34

Phung âk nây lah: “Hên hŏ tăng jêh tâm nau vay lah ma Brah Krist hôm gŭ ƀaƀơ n'ho ro. Mâm ƀư May lah, bu mra yông Kon Bunuyh ta klơ? Lah ndrĭ mbu nơm Kon Bunuyh nây?”

ហេឞ្រើ 1:8

Ƀiălah lah ma Kon geh nau lah: “Ơ Brah Ndu, sưng hađăch May hôm ƀaƀơ n'ho ro, Nau dơi ƀon bri hađăch Kôranh Brah jêng nau dơi sŏng.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

I Samuel 25:28

Dăn yô̆ an nau tih ma oh mon bu ur kôranh! N'hêl nanê̆ Brah Yêhôva mra njêng ma kôranh gâp geh du ngih nâp, yorlah kôranh gâp tâm lơh ăn ma Brah Yêhôva, jêh ri lôch nau rêh kôranh mâu mra geh du nau mhĭk tâm may ôh.