II Samuel 7:15 - Nau Brah Ndu Ngơi 2023

¹⁵ Ƀiălah nau rŏng Gâp mâu mra du tă bơh păng nâm Gâp hŏ du tă bơh Y-Sôl, jêng nơm Gâp hŏ chalơi jêh tă bơh may.

II Samuel 7:15 Iomraidhean Croise

II Samuel 7:14

Gâp mra jêng Mbơ̆ păng, jêh ri păng mra jêng kon Gâp. Tơlah păng ƀư nau kue, Gâp mra phat dôih păng nâm bu kon bunuyh dŏng mâng rvĕ gay ntăm nti ma kon bunuyh.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

Nau Mprơ Ơm 89:28

Gâp mra prăp nau ueh Gâp ma păng n'ho ro, Jêh ri ƀư nau Gâp tâm rnglăp đah păng dơi nâp.

Nau Mprơ Ơm 89:31

Tơlah khân păng ƀư tih đah nau vay dăp Gâp, Mâu djôt prăp ôh lĕ nau vay Gâp ntăm,

Nau Mprơ Ơm 89:33

Ƀiălah nau ueh tă bơh Gâp đah păng mâu mra rgâl ôh, Jêh ri nau răp jăp Gâp đah păng mâu blau dŭt ôh.

Nau Mprơ Ơm 89:34

Gâp mâu mra chalơi ôh nau Gâp tâm rnglăp, Mâu lĕ tâm rgâl moh nau lah jêh bơh bâr mbung Gâp.

Nau Mprơ Ơm 89:49

Ơ Kôranh Brah, nau ueh May sŏk nau răp jăp ton jêh ma Y-Đavit kăl e, Mbah ntŭk aƀaơ?

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:26

Y-Samuel plơ̆ lah ma Y-Sôl: “Gâp mâu plơ̆ sĭt ndrel ma may ôh. Yorlah may lĕ chalơi jêh nau Brah Yêhôva ngơi, yor ri Brah Yêhôva chalơi jêh may, mâu ăn ma may chiă uănh phung Israel đŏng ôh.”

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.

I Samuel 16:14

Huêng Brah Yêhôva luh du tă bơh Y-Sôl, Brah Yêhôva prơh du huê brah mhĭk rkhŭk păng.

I Samuel 19:24

Păng doh lơi bok ao păng, ngơi mbơh lor tâm ban lĕ tanăp Y-Samuel, jêh nây păng gŭ rhôk tâm ban pônây lâng săk ta neh lôch du nar nây jêh ri măng nây đŏng. Yor nây, bu lah: “Di lĕ nđâp ma Y-Sôl nơm lĕ jêng du huê tâm phung nơm mbơh lor?”