II Samuel 6:21 - Nau Brah Ndu Ngơi 2023

²¹ Y-Đavit lah ma H'Mikal: “Nây yơh tra năp măt Brah Yêhôva jêng Nơm hŏ săch sŏk jêh gâp ntrok an ma mbơ̆ ay, jêh ri lĕ rngôch ngih mbơ̆ ay, njêng gâp ƀư hađăch chiă uănh phung Israel jêng phung ƀon lan Brah Yêhôva, ta nây gâp dơi mprơ kdŏ tanăp măt Brah Yêhôva.

II Samuel 6:21 Iomraidhean Croise

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

II Samuel 6:14

Y-Đavit nsoh êphôt ƀư ma bok mhay, pâl ntalơ̆ lĕ nuih n'hâm păng tanăp Brah Yêhôva.

II Samuel 6:16

Ƀiălah tơlah Hip Nau Tâm Rnglăp Brah Yêhôva lăp tâm ƀon Đavit, H'Mikal kon bu ur Y-Sôl, n'gơr uănh ta mpông bloh saơ Đavit pâl ntalơ̆ tanăp Brah Yêhôva, tâm trôm nuih n'hâm păng mưch ma hađăch.

II Samuel 6:22

Gâp mra trŭnh gâp nơm âk lơn, ăn gâp uănh êng gâp nơm jêng bunuyh rvưt rvâng, ƀiălah phung oh mon bu ur ay lah khân păng mra yơk ma gâp.”

II Samuel 6:5

Y-Đavit jêh ri lĕ rngôch ngih Israel kdŏ mprơ tanăp Brah Yêhôva ma lĕ ntil gong ƀư ma si sêdar, gong rêng, gong rêng loih, gâr jê̆, ndơ kreh lât ma nglau ti jêh ri ching ndrup tâm nchâm.

II Samuel 7:8

Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

I Nau Rêh Jêng 15:29

Dôl Hip Nau Tâm Rnglăp Brah Yêhôva tât ma ƀon Đavit, ur hađăch jêng H'Mikal, kon bu ur Y-Sôl, n'gơr uănh ta mpông bloh jêh ri saơ hađăch Đavit pâl ntalơ̆ răm maak, tâm trôm nuih n'hâm păng mưch ma hađăch.

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

I Samuel 13:14

ƀiălah aƀaơ, ƀon bri hađăch may mâu mra nâp jŏ ôh. Brah Yêhôva hŏ săch ăn ma Păng nơm du huê bunuyh tĭng nâm nuih n'hâm Păng nơm, dơm bunuyh nây ƀư kôranh chiă uănh ma phung ƀon lan Păng, yorlah may mâu djôt prăp ôh nau ntăm ƀư Brah Yêhôva.”

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 16:12

Pônây, Y-Yêsê prơh bunuyh hăn kuăl nơm kon mpŏt sĭt. Păng geh muh măt dŭm, bar măt ang, jêh ri săk jăn ueh. Brah Yêhôva lah ma Y-Samuel: “Dâk hom tŏ dak ƀâu kah ma păng, yorlah aơ jêng nơm Gâp lĕ săch jêh.”