II Samuel 6:14 - Nau Brah Ndu Ngơi 2023

¹⁴ Y-Đavit nsoh êphôt ƀư ma bok mhay, pâl ntalơ̆ lĕ nuih n'hâm păng tanăp Brah Yêhôva.

II Samuel 6:14 Iomraidhean Croise

II Samuel 6:15

Pônây, Y-Đavit jêh ri lĕ rngôch Israel njŭn leo Hip Nau Tâm Rnglăp Brah Yêhôva plơ̆ sĭt tâm nau troh nter răm rhơn jêh ri ma bâr nŭng huy ngăn.

II Samuel 6:20

Y-Đavit tâm ban lĕ plơ̆ sĭt gay ăn nau ueh uĭn ma phung ngih păng nơm. Ƀiălah kon bu ur Y-Sôl jêng H'Mikal văch chuă Y-Đavit jêh ri ngơi: “Nar aơ hađăch phung Israel ƀư chrêk ma lơp păng nơm ngăn, tơlah gŭ săk hưl tra năp măt phung oh mon bu ur, ƀư nâm bu du huê bunuyh dơm dam!”

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 150:4

Tâm rnê hom ma Păng ma gâr jê̆ jêh ri ma nau pâl ntalơ̆! Tâm rnê hom ma Păng ma gong rêng jêh ri bâr nŭng!

Nau Mprơ Ơm 30:11

May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Nau Mprơ Ơm 87:7

Phung mprơ jêh ri phung pâl ntalơ̆ mra lah pô aơ: “Lĕ rngôch tu ueh uĭn gâp gŭ tâm May da dê.”

Nau Ngluh Êjipt 15:20

Aƀaơ, bu ur H'Miriam nơm mbơh lor, ruh Y-Arôn, ta ti djôt du mlâm gâr jê̆, jêh ri lĕ rngôch phung bu ur tĭng ndô̆ păng djôt gâr jê̆ da dê jêh ri pâl ntalơ̆.

Nau Ngluh Êjipt 15:21

H'Miriam mprơ pô aơ: “Mprơ hom ma Brah Yêhôva Yorlah Păng dŭt prêh geh nau rnam. Păng hŏ mƀăr jêh tâm dak mƀŭt Seh jêh ri rmăk seh.”

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsêkiêl 46:10

Hađăch ndrel phung ƀon lan mra hăn lăp du tơ̆ jêh ri tơlah phung ƀon lan du luh hađăch ăt du luh đŏng.

Luka 15:25

Nôk nây, kon bôk rah dôl gŭ tâm mir. Tơlah păng sĭt dăch tât ta ngih, tăng bâr kreh mprơ jêh ri pâl ntalơ̆,

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.

Kôlôh 3:23

Moh ntil khân may ƀư, ƀư hom ma lĕ nuih n'hâm, nâm bu ƀư ma Kôranh Brah lĕ, mâu di ƀư ma bunuyh ôh,

Phung Kôranh Phat Dôih 11:34

Y-Jêptê plơ̆ sĭt tay ma ngih păng ta Mispa, jêh ri aơ, kon bu ur păng djôt leo gâr jê̆ jêh ri pâl ntalơ̆ tâm mâp păng. Bu ur jêng kon bu ur păng, padih bu ur nây mâu hôm geh ôh kon bu ur mâu lah kon bu klâu êng đŏng.

Phung Kôranh Phat Dôih 21:21

jêh ri dôl uănh tơlah phung kon bu ur Silô luh hăn pâl ntalơ̆ ma ndrăng khân păng, nôk nây khân may nchuăt luh bơh lĕ đang krăk ƀâu, ăp nơm tâm khân may sŏk du huê ur bơh phung kon bu ur tâm phung bu ur druh ndăm Silô, jêh nây hăn rlet ma n'gor Benjamin.

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.

I Samuel 2:28

Gâp hŏ săch jêh ngih păng tă bơh lĕ rngôch phung ndŭl mpôl Israel, gay jan kôranh ƀư brah Gâp, nhhơr ndơ ƀư brah klơ nơng ƀư brah Gâp, gŭch ndơ ƀâu kah, jêh ri nsoh êphôt tanăp Gâp. Gâp hŏ ăn ma noi deh chô yau may prăp tâm du kô̆ tâm lĕ ndơ nhhơr bơh phung ƀon lan Israel gŭ tâm ŭnh nhhơr ma Gâp.

I Samuel 22:18

Yor ri, hađăch lah ma Y-Dôek: “May văch dăch hom jêh ri nkhĭt phung kôranh ƀư brah.” Y-Dôek, bunuyh Êđôm, rduh dăch nkhĭt phung kôranh ƀư brah. Tâm nar nây, păng nkhĭt pham jât ma prăm nuyh nsoh êphôt ƀư ma brai mhay.