II Samuel 6:12 - Nau Brah Ndu Ngơi 2023

¹² Bu mbơh ma hađăch Y-Đavit, “Brah Yêhôva hŏ ăn jêh nau ueh uĭn ma ngih Ôbet-Êđôm jêh ri lĕ ndơ păng geh yor hip Brah Ndu.” Pôri, Y-Đavit hăn vơt Hip Nau Tâm Rnglăp Brah Ndu ta ngih Y-Ôbet-Êđôm plơ̆ sĭt ma ƀon Đavit ma nau răm maak.

II Samuel 6:12 Iomraidhean Croise

II Samuel 5:7

Ƀiălah Y-Đavit lơh pit jêh pôih nâp Siôn, nây jêng ƀon Đavit.

I Phung Hađăch 8:1

Nôk nây, hađăch Salômôn kuăl rgum phung bu ranh Israel, lĕ rngôch phung kôranh ndŭl mpôl jêh ri kôranh rnăk vâl phung ƀon lan Israel plơ̆ sĭt ta Yêrusalem, gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn.

I Phung Hađăch 8:3

Tơlah lĕ rngôch bu ranh Israel hăn tât jêh, pôri phung kôranh ƀư brah tung Hip Nau Tâm Rnglăp,

I Phung Hađăch 8:4

jêh ri khân păng djôt leo Hip Nau Tâm Rnglăp Brah Yêhôva hăn, ndrel ma Ngih Bok Nau Tâm Rƀŭn, jêh ri lĕ rngôch lĕ ndơ dŏng kloh ueh gŭ tâm Ngih Bok. Lĕ kôranh ƀư brah jêh ri phung Lêvi tung lĕ ndơ nây.

I Nau Rêh Jêng 15:15

Phung Lêvi sŏk mâng tung Hip Nau Tâm Rnglăp Brah Ndu ta săng nglik khân păng, di nâm nau Brah Yêhôva hŏ ntăm nti jêh ma Y-Môis.

I Nau Rêh Jêng 15:25

Pôri, Y-Đavit jêh ri phung bu ranh Israel jêh ri phung kôranh ma du rbăn nuyh tahan hăn hao ngih Y-Ôbet-Êđôm, hăn vơt Hip Nau Tâm Rnglăp Brah Yêhôva plơ̆ sĭt tâm nau răm maak.

I Nau Rêh Jêng 16:16

Jêng nau Păng tâm rnglăp hŏ ƀư jêh đah Y-Abraham, Hŏ sơm ton ma Y-Isăk,

I Nau Rêh Jêng 26:4

Y-Ôbet-Êđôm geh phung kon bu klâu: Y-Sêmaya jêng kon bôk rah, Y-Jêhôsaƀat jêng kon rơh bar, Y-Jôa jêng kon rơh pe, Y-Sakar jêng kon rơh puăn, Y-Nêthanel jêng kon rơh prăm,

I Nau Rêh Jêng 26:5

Y-Amiêl jêng kon rơh prao, Y-Isakar jêng kon rơh pơh, jêh ri Y-Pêulêthai jêng kon rơh pham; yorlah Brah Ndu ăn nau ueh uĭn ma Y-Ôbet-Êđôm.

II Nau Rêh Jêng 5:2

Y-Salômôn kuăl rgum phung bu ranh Israel, kôranh phung ndŭl mpôl jêh ri phung noi deh tâm phung Israel gŭ tâm ƀon Yêrusalem gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn, tât ta ngih brah.

Mathay 10:42

Mbu nơm ăn ma du huê tâm phung jê̆ aơ nhêt du kachok dak me, yorlah bunuyh nây jêng oh mon Gâp; nanê̆ Gâp lah ma khân may, bunuyh nây mâu mra roh nau nkhôm ma păng ôh.”