II Samuel 6:11 - Nau Brah Ndu Ngơi 2023

¹¹ Pônây, Hip Nau Tâm Rnglăp Brah Yêhôva gŭ pe khay tâm ngih Y-Ôbet-Êđôm, bunuyh Gat. Brah Yêhôva ăn nau ueh uĭn ma Ôbet-Êđôm jêh ri ma lĕ ngih păng.

II Samuel 6:11 Iomraidhean Croise

Nau Ntơm 30:27

Y-Laban lah: “Ŭch ma may geh nau yô̆ tanăp măt gâp! May gĭt Brah Yêhôva ăn jêh nau ueh uĭn ma may yor gâp.”

Nau Ntơm 39:23

Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.

Nau Ntơm 39:5

Ntơm bơh nar păng jao ma Y-Yôsep mât uănh tâm ngih păng jêh ri lĕ drăp ndơ tâm ngih păng, Brah Yêhôva ăn nau ueh uĭn ma rnăk vâl Y-Pôtipar yor Y-Yôsep. Nau ueh lăng Brah Yêhôva gŭ ta lĕ rngôch drăp ndơ păng geh, tâm ngih nđâp ma tâm mir.

II Samuel 6:10

Yor ri Y-Đavit mâu njŭn leo ôh Hip Nau Tâm Rnglăp Brah Yêhôva plơ̆ sĭt ma păng tâm ƀon Đavit; ƀiălah njŭn leo păng lăp tâm ngih Y-Ôbet-Êđôm, bunuyh Gat.

I Nau Rêh Jêng 26:4

Y-Ôbet-Êđôm geh phung kon bu klâu: Y-Sêmaya jêng kon bôk rah, Y-Jêhôsaƀat jêng kon rơh bar, Y-Jôa jêng kon rơh pe, Y-Sakar jêng kon rơh puăn, Y-Nêthanel jêng kon rơh prăm,

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!