II Samuel 5:3 - Nau Brah Ndu Ngơi 2023

³ Pônây, lĕ rngôch phung bu ranh Israel văch gay tâm mâp đah hađăch ta Hêbron; hađăch Đavit ƀư nau tâm rnglăp ma khân păng tanăp Brah Yêhôva, jêh ri khân păng tŏ dak ƀâu kah ma Y-Đavit jêng hađăch ma lĕ n'gor Israel.

II Samuel 5:3 Iomraidhean Croise

II Samuel 2:4

Phung Yuđa hăn tât ta nây jêh ri tŏ dak ƀâu kah ma Y-Đavit jêng hađăch ma ngih Yuđa. Bu mbơh ma Y-Đavit: “Phung ƀon lan ta ƀon Jabes Gilêat hŏ tâp jêh Y-Sôl.”

II Samuel 2:7

Ăn ti khân may jêng ktang, mpơl hom khân may jêng phung nanh janh; yorlah Y-Sôl, kôranh khân may lĕ khĭt jêh, ƀiălah ngih Yuđa hŏ tŏ dak ƀâu kah ta gâp ăn jêng hađăch ma khân păng.”

II Samuel 3:21

Y-Apner lah ma Y-Đavit: “Gâp mra tâm rƀŭn đŏng lĕ rngôch phung Israel văch tât ma hađăch, jêng kôranh gâp, gay ăn khân păng dơi ƀư nau tâm rnglăp đah hađăch, jêh ri hađăch mra ƀư hađăch chiă uănh lĕ n'gor Israel, di nâm nuih n'hâm hađăch ŭch.” Y-Đavit ăn Y-Apner sĭt, jêh ri păng hăn ma nau đăp mpăn.

I Phung Hađăch 1:34

Ta nây, kôranh ƀư brah Y-Sadôk jêh ri nơm mbơh lor Y-Nathan, tŏ dak ƀâu kah ma păng ƀư hađăch phung Israel. Khân may uh nŭng hom, jêh nây nter lah pô aơ:

II Phung Hađăch 11:17

Y-Jêhôida ƀư nau tâm rnglăp Brah Yêhôva đah hađăch jêh ri đah phung ƀon lan, gay gĭt năl khân păng mra jêng phung ƀon lan ma Brah Yêhôva. Păng ƀư đŏng nau tâm rnglăp ndrăng păng đah phung ƀon lan.

I Nau Rêh Jêng 11:1

Rnôk nây, lĕ rngôch phung Israel tâm rƀŭn ndrel ma Y-Đavit ta Hêbron jêh ri lah pô aơ: “Aơ, hên jêng noi deh du mham đah may.

I Nau Rêh Jêng 11:3

Pôri, lĕ rngôch phung bu ranh Israel văch ma hađăch ta Hêbron. Y-Đavit ƀư nau tâm rnglăp ma khân păng ta Hêbron tanăp Brah Yêhôva; jêh nây khân păng tŏ dak ƀâu kah ma Y-Đavit jêng hađăch chiă uănh phung Israel, tĭng nâm nau Brah Yêhôva ngơi jêh đah Y-Samuel.

I Nau Rêh Jêng 28:4

Ƀiălah, Yêhôva Brah Ndu Israel săch jêh gâp tă bơh rnăk vâl mbơ̆ gâp, gay ƀư hađăch chiă uănh phung Israel n'ho ro. Yorlah Păng săch jêh ndŭl mpôl Yuđa hao chiă uănh, jêh ri tâm ngih Yuđa, Păng hŏ săch rnăk vâl mbơ̆ gâp, jêh nây tă tâm nklang phung kon bu klâu mbơ̆ gâp, Păng hŏ maak đah gâp gay ŭch njêng gâp jêng hađăch chiă uănh lĕ phung Israel.

II Nau Rêh Jêng 23:16

Y-Jêhôida ƀư nau tâm rnglăp păng nơm đah lĕ rngôch phung ƀon lan jêh ri đah hađăch, gay ma khân păng ton nanê̆ mra jêng phung ƀon lan ma Brah Yêhôva.

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Yôsuê 10:36

Jêh nĕ, Y-Yôsuê ndrel ma lĕ rngôch phung Israel tă bơh Êglon hăn hao ma Hêbron, jêh ri rduh lơh đah ƀon nây.

Phung Kôranh Phat Dôih 11:11

Pôri, Y-Jêptê hăn ndrel ma phung bu ranh n'gor Gilêat; phung ƀon lan njêng păng jêng kôranh tahan jêh ri kôranh chiă uănh ma khân păng. Ta Mispa, Y-Jêptê ngơi tay tanăp măt Brah Yêhôva lĕ nau păng hŏ ngơi jêh.

I Samuel 11:15

Lĕ rngôch phung ƀon lan hăn ndrel tât Gilgal. Ta nây, khân păng njêng Y-Sôl jêng hađăch tanăp Brah Yêhôva. Khân păng nhhơr ndơ ƀư brah ma nau đăp mpăn ma Brah Yêhôva. Y-Sôl jêh ri lĕ rngôch phung Israel răm maak hâu ngăn.

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 23:18

Bar hê khân păng ƀư nau tâm rnglăp tanăp Brah Yêhôva. Jêh nây Y-Đavit gŭ ta Hêres, bi Y-Jônathan plơ̆ sĭt ta ngih păng nơm.