II Samuel 5:21 - Nau Brah Ndu Ngơi 2023

²¹ Phung tahan Philistin chalơi lĕ rup brah khân păng ta nây, Y-Đavit jêh ri phung tĭng ndô̆ păng sŏk djôt leo ndơ nây.

II Samuel 5:21 Iomraidhean Croise

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Yêrêmi 43:12

Gâp mra klŭp su ma ŭnh lĕ jây rhŏ brah phung brah n'gor bri Êjipt; Y-Nêbukatnetsar mra su ma ŭnh jêh ri njŭn leo phung brah khân păng. Hađăch nây djôt ntŭng lĕ bri Êjipt nâm bu rmăk biăp nhŭp lĕ si tâm bok ao păng, jêh nây du hăn ma nau đăp mpăn.

Yêrêmi 48:7

Yorlah may rnơm ma kan jêh ri jay ndơ khlay may nơm, Yor nây bu mra pit in may; Brah Chêmôs mra jêng bu nă Ndrel ma phung kôranh ƀư brah jêh ri phung kôranh păng.

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Nau Vay Nkah Tay 7:25

Ăn khân may su ma ŭnh lĕ rup brah khân păng. Lơi kơnh ôh jêh nây sŏk ma khân may nơm prăk mâu lah mah ta klơ rup nây, klach lah khân may tŭp tâm dăk sân, yorlah nây jêng ndơ tâm rmot đah Yêhôva Brah Ndu khân may.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.