II Samuel 5:2 - Nau Brah Ndu Ngơi 2023

² Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

II Samuel 5:2 Iomraidhean Croise

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

II Samuel 6:21

Y-Đavit lah ma H'Mikal: “Nây yơh tra năp măt Brah Yêhôva jêng Nơm hŏ săch sŏk jêh gâp ntrok an ma mbơ̆ ay, jêh ri lĕ rngôch ngih mbơ̆ ay, njêng gâp ƀư hađăch chiă uănh phung Israel jêng phung ƀon lan Brah Yêhôva, ta nây gâp dơi mprơ kdŏ tanăp măt Brah Yêhôva.

II Samuel 7:7

Tâm lam ntŭk Gâp gŭ ta nklang phung ƀon lan Israel, Gâp ê hŏ mâp lah ma du kôranh chiă uănh tâm phung ndŭl mpôl Israel, jêng nơm rmăk biăp ma phung ƀon lan Gâp pô aơ: Mâm dĭng khân may mâu ndâk ôh ma Gâp du mlâm ngih brah ma tơm si sêdar?’

II Samuel 7:8

Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

I Nau Rêh Jêng 11:2

Rnôk saơm, dôl Y-Sôl jêng hađăch, may yơh njŭn jêh phung Israel luh jêh ri lăp; jêh ri Yêhôva Brah Ndu may lah ma may pô aơ: ‘May mra rmăk biăp ma phung ƀon lan Gâp jêng phung Israel, jêng kôranh chiă uănh khân păng.’”

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Nau Kơp Bunuyh 27:17

gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Mathay 2:6

‘Hơi ƀon Ƀêtlêhem, tâm n'gor Yuđa! May mâu ôh di jê̆ lơn đah lĕ ƀon toyh tâm n'gor Yuđa, Yorlah tă bơh may yơh mra mpơl du huê kôranh chiă uănh, Păng mra rmăk biăp phung Israel Gâp.’ ”

Yôhan 10:11

Gâp jêng bunuyh rmăk biăp ueh, bunuyh rmăk biăp ueh jao nau rêh păng nơm ma biăp păng nơm.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

I Samuel 13:14

ƀiălah aƀaơ, ƀon bri hađăch may mâu mra nâp jŏ ôh. Brah Yêhôva hŏ săch ăn ma Păng nơm du huê bunuyh tĭng nâm nuih n'hâm Păng nơm, dơm bunuyh nây ƀư kôranh chiă uănh ma phung ƀon lan Păng, yorlah may mâu djôt prăp ôh nau ntăm ƀư Brah Yêhôva.”

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 18:13

Y-Sôl ăn Y-Đavit gŭ ngai đah păng, njêng păng kôranh chiă uănh toyh du rbăn tahan. Y-Đavit njŭn leo phung tahan luh lăp tă bơh ntŭk tâm lơh.

I Samuel 18:16

Ƀiălah lĕ rngôch phung Israel jêh ri phung Yuđa rŏng ma Y-Đavit yorlah păng njŭn leo khân păng luh lăp tă bơh ntŭk tâm lơh.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.

I Samuel 25:28

Dăn yô̆ an nau tih ma oh mon bu ur kôranh! N'hêl nanê̆ Brah Yêhôva mra njêng ma kôranh gâp geh du ngih nâp, yorlah kôranh gâp tâm lơh ăn ma Brah Yêhôva, jêh ri lôch nau rêh kôranh mâu mra geh du nau mhĭk tâm may ôh.

I Samuel 25:30

Tơlah Brah Yêhôva hŏ ƀư jêh ma kôranh gâp lĕ rngôch nau ueh Păng hŏ ton jêh, jêh ri tơlah păng hŏ njêng may ƀư kôranh chiă uănh ma phung Israel,

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”