II Samuel 5:19 - Nau Brah Ndu Ngơi 2023

¹⁹ Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

II Samuel 5:19 Iomraidhean Croise

II Samuel 2:1

Jêh nau nây, Y-Đavit ôp ma Brah Yêhôva: “Gâp dơi lĕ hăn ma du ƀon tâm ăp rplay ƀon tâm n'gor Yuđa?” Brah Yêhôva plơ̆ lah: “Hăn hao hom.” Y-Đavit lup tay: “Moh ƀon gâp mra hăn?” Brah Yêhôva plơ̆ lah: “Ƀon Hêbron.”

II Samuel 5:23

Tơlah Y-Đavit ôp ma Brah Yêhôva, Păng lah: “May lơi hăn hao ôh; hăn ndăch dăr hom pakơi khân păng, jêh nây may mra rduh lơh khân păng rlet mpeh tơm si balsam.

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Yakơ 4:15

Ueh lơn khân may lah: “Tơlah Kôranh Brah ŭch jêh ri he ăt hôm gŭ rêh, he mra ƀư kan aơ kan ri.”

I Samuel 22:15

Di lĕ nar aơ gây ntơm ôp jêh ma Brah Ndu yor păng? Mâu geh ƀư pônây ôh! Dăn hađăch lơi đing nau tih nây ma oh mon hađăch mâu lah ma bunuyh êng tâm ngih mbơ̆ gâp ma ăp nau, yorlah oh mon hađăch mâu gĭt du ntil ôh, djê̆ mâu lah âk ma nau nây.”

I Samuel 23:2

Y-Đavit ôp ma Brah Yêhôva: “Gâp mra hăn tâm lơh đah phung Philistin aơ lĕ?” Brah Yêhôva lah ma Y-Đavit: “Hăn tâm lơh hom đah phung Philistin jêh ri tâm rklaih ƀon Keila.”

I Samuel 23:4

Y-Đavit ôp tay ma Brah Yêhôva, jêh ri Brah Yêhôva plơ̆ lah ma păng: “Dâk hom, hăn trŭnh ma Keila, Gâp mra jao phung Philistin tâm ti may.”

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.