II Samuel 4:7 - Nau Brah Ndu Ngơi 2023

⁷ Nôk khân păng lăp tâm ngih dôl hađăch lâng bê̆ch rlu ta klơ sưng bê̆ch tâm jrô bê̆ch, khân păng ntâp khĭt jêh ri koh bôk hađăch. Jêh nây khân păng djôt bôk hađăch hăn măng tĭng trong Arabah.

II Samuel 4:7 Iomraidhean Croise

II Samuel 2:29

Lĕ măng nây, Y-Apner jêh ri lĕ rngôch phung tĭng ndô̆ păng hăn rgăn Arabah. Khân păng rgăn dak krong Yurdan, jêh ri hăn lam Bitrôn, jêh nây khân păng tât ta Mahanaim.

Nau Ngluh Êjipt 8:3

Dak krong mra bêng ler ma kĭt; khân păng mra vơr lăp tâm ngih hađăch, tâm jrô bê̆ch jêh ri hao đŏng tâm sưng may bê̆ch, lăp tâm ngih phung oh mon may jêh ri phung ƀon lan may, lăp tâm ŭnh năk jêh ri tâm thŭng piăch rnih may.

Mathay 14:11

jêh ri khân păng n'gân bôk păng tâm ngan grưng, djôt ăn ma bu ur druh nây, jêh ri păng djôt ăn ma mê̆ păng.

I Samuel 17:51

Y-Đavit nchuăt tât ta săk jăn bu klâu Philistin, sŏk đao păng, tŏk luh bơh ndrop nkhĭt păng nơm, jêh nây sŏk đao koh bôk păng. Phung Philistin saơ kôranh janh ktang khân păng lĕ khĭt jêh, khân păng nchuăt du.

I Samuel 17:54

Y-Đavit djôt bôk bu klâu Philistin tât ta ƀon Yêrusalem, ƀiălah ndơ tâm lơh Y-Gôliat dơm tâm rmlak păng nơm.

I Samuel 31:9

Khân păng koh bôk Y-Sôl, sŏk ao loih hađăch, jêh ri prơh phung mbơh hăn mbơh nau maak aơ lam bri Philistin, tâm lĕ ngih brah rup khân păng jêh ri ma phung ƀon lan.