II Samuel 4:5 - Nau Brah Ndu Ngơi 2023

⁵ Bar hê kon Y-Rimôn ta ƀon Bêrôt, amoh jêng Y-Rêkap jêh ri Y-Bana hăn tât ta ngih Y-Isbôset tâm nôk nar duh ktang ngăn, tâm nôk hađăch lâng bê̆ch rlu bôk nar.

II Samuel 4:5 Iomraidhean Croise

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

II Samuel 2:8

Rnôk nây, kôranh ma phung tahan Y-Sôl jêng Y-Apner, kon Y-Ner, leo kon bu klâu Y-Sôl jêng Y-Isbôset tât ma ƀon Mahanaim,

II Samuel 4:2

Rnôk nây, kon Y-Sôl geh bar hê kôranh tahan hăn nsong lơh: du huê bunuyh amoh Y-Bana, du huê bunuyh amoh Y-Rêkap; lĕ bar hê jêng kon Y-Rimôn ta Bêrôt bơh noi deh phung Benjamin — Phung Bêrôt nâm bu phung Benjamin,

I Phung Hađăch 16:9

Ƀiălah Y-Simri, oh mon Y-Êla, jêng kôranh chiă uănh toyh du n'gul lĕ rngôch ndeh seh, tâm chră tâm rdâng đah hađăch. Tâm dôl Y-Êla nhêt ndrănh jêh ri nhŭl tâm ngih Y-Arsa, nơm jêng kôranh chiă uănh ngih hađăch ta ƀon Tirsa,

II Nau Rêh Jêng 24:25

Tơlah phung tahan Aram hŏ plơ̆ rŭch jêh, chalơi êng Y-Jôas gŭ păm rmanh jru. Phung oh mon păng tâm nchră ndrel tâm rdâng đah păng yorlah rnon mham kon bu klâu kôranh ƀư brah Y-Jêhôida. Khân păng nkhĭt păng ta klơ sưng bê̆ch. Bu tâp păng tâm ƀon Đavit, ƀiălah mâu di tâm môch ma phung hađăch ôh.

II Nau Rêh Jêng 25:27

Ntơm bơh rnôk Y-Amasia chalơi Brah Yêhôva, geh nơm tâm nchră tâm rdâng đah hađăch ta ƀon Yêrusalem. Hađăch du nchuăt du tât ma Lakis, ƀiălah bu hăn tĭng păng tât ta ƀon Lakis jêh ri nkhĭt păng ta nây.

II Nau Rêh Jêng 33:24

Phung oh mon păng tâm rdâng jêh ri nkhĭt păng tâm ngih hađăch.