II Samuel 3:39 - Nau Brah Ndu Ngơi 2023

³⁹ Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

II Samuel 3:39 Iomraidhean Croise

II Samuel 16:10

Ƀiălah hađăch lah: “Hơi phung kon bu klâu H'Sêruya, moh nau gâp geh đah khân may? Tơlah Y-Simei rak rtăp yorlah Brah Yêhôva hŏ lah jêh ma păng pô aơ: ‘Rak rtăp hom ma Y-Đavit,’ pôri mbu nănh lah păng: ‘Mbah tă may lah nau nây?’”

II Samuel 19:13

Khân may tâm ban lĕ lah hom ma Y-Amasa pô aơ: ‘Mâu di hĕ may jêng nting gâp jêh ri nglay săk gâp? Tơlah ntơm aƀaơ rlet panăp, may mâu ƀư kôranh ma phung tahan gâp ntrok ma Y-Jôap, dăn Brah Ndu rmal ma gâp jâk ngăn.’”

II Samuel 19:22

Ƀiălah Y-Đavit plơ̆ lah ma păng: “Hơi kon bu klâu H'Sêruya, moh nau gâp geh ƀư tih đah khân may, dĭng nar aơ khân may rlơ̆ jêng nâm bu bunuyh tâm rdâng đah gâp? Tâm du nar nâm bu ma nar aơ mâm ƀư nkhĭt tay du huê tâm phung Israel? Di lĕ gâp mâu gĭt nar aơ gâp jêng hađăch ma phung Israel?”

II Samuel 3:38

Hađăch lah ma phung oh mon păng: “Khân may mâu gĭt hĕ ma du huê kôranh chiă uănh, du huê bunuyh khlay lĕ chôt jêh nar aơ tâm n'gor Israel?

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

I Phung Hađăch 2:9

Ƀiălah, may lơi ta uănh ôh păng mâu geh nau rmal, yorlah may jêng du huê gĭt mĭn jêh ri gĭt ƀư moh nau ma păng. May ƀư hom ma bôk mbra păng krêp mham hăn jŭr tâm ƀon phung khĭt.”

I Nau Rêh Jêng 22:5

Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

II Nau Rêh Jêng 13:7

Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.

Nau Mprơ Ơm 101:8

Ăp ôi, gâp mra ƀư rai Lĕ rngôch phung ƀai tâm n'gor, Mprơh lĕ rngôch phung mhĭk Bơh ƀon Brah Yêhôva.

Nau Mprơ Ơm 28:4

Ăn May rmal khân păng tĭng nâm nau kan khân păng, Jêh ri tĭng nâm nau djơh mhĭk khân păng ƀư; Ăn May mplơ̆ sĭt tĭng nâm kan ti khân păng hŏ ƀư jêh, Jêh ri rmal khân păng khư ma nau tih khân păng.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Mprơ Ơm 7:16

Nau tih mhĭk păng mra nkhŭt ta klơ bôk păng. Jêh ri nau rêh ni mra tŭp ta klơ ndăr kleng păng nơm.

Nau Mprơ Ơm 75:10

Gâp mra koh lĕ rngôch nke phung mhĭk Ƀiălah lĕ nke phung sŏng srăng mra dơi n'hao.

Nau Ngluh Êjipt 21:12

Mbu dong du huê bunuyh kŏ tât khĭt, bu mra nkhĭt păng.

Nau Hôr 20:8

Hađăch gŭ ta klơ sưng phat dôih, Rle măt păng ôp sek lĕ rngôch nau mhĭk.

Nau Hôr 25:5

Ngluh lơi phung ƀai bơh măt hađăch Pôri sưng hađăch mra dơi ndâk nâp klơ mbon nau sŏng srăng.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Yêrêmi 38:5

Hađăch Sêdêkia sĭt lah: “Aơ, păng dôl gŭ tâm ti khân may. Hađăch mâu dơi ƀư nau tâm rdâng đah nau khân may ŭch mĭn ôh.”

Daniel 6:16

Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 13:4

yorlah khân păng jêng oh mon ma Brah Ndu ŭch ƀư ueh ma may. Ƀiălah tơlah may ƀư nau mhĭk, klach hom, yorlah khân păng djôt đao mâu di jêng mâu geh nau; khân păng jêng oh mon ma Brah Ndu gay ma ƀư nau rmal ma mbu nơm ƀư djơh mhĭk.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

Phung Kôranh Phat Dôih 9:57

Brah Ndu tâm ban đŏng mplơ̆ plơng ma phung ƀon lan ƀon toyh Sichem yor lĕ rngôch nau djơh khân păng ƀư jêh. Nau mhĭk ăn tât klơ bôk khân păng di nâm nau rak rtăp Y-Jôtham, kon bu klâu Y-Jêrubaal.