II Samuel 3:10 - Nau Brah Ndu Ngơi 2023

¹⁰ nâm bu ntĭt rgâl lơi ƀon bri hađăch bơh Y-Sôl, jêh ri ndâk sưng hađăch Y-Đavit ta klơ phung Israel jêh ri phung Yuđa, ntơm bơh Dan tât ma Bêr-Sêba.”

II Samuel 3:10 Iomraidhean Croise

II Samuel 17:11

Pôri, gâp nchră kơt aơ: Ăn lĕ rngôch phung Israel tâm rgum ndrel may, ntơm bơh Dan tât ta Bêr-Sêba, jêng âk nâm bu choih tâm dak mƀŭt, jêh nây may nơm mra leo phung tahan păng hăn ma nau tâm lơh.

II Samuel 24:2

Pônây hađăch đă ma Y-Jôap, jêng kôranh ma phung tahan toyh, dôl gŭ ndrel ma hađăch: “Hăn hom lam tâm lĕ rngôch ndŭl mpôl Israel, ntơm bơh Dan tât ma Bêr-Sêba, kơp rnoh bunuyh gay ăn gâp dơi gĭt rnoh phung Israel jêng ndah âk.”

II Samuel 3:11

Y-Isbôset mâu nănh plơ̆ lah ôh ma Y-Apner, yor păng klach ma păng.

II Samuel 3:21

Y-Apner lah ma Y-Đavit: “Gâp mra tâm rƀŭn đŏng lĕ rngôch phung Israel văch tât ma hađăch, jêng kôranh gâp, gay ăn khân păng dơi ƀư nau tâm rnglăp đah hađăch, jêh ri hađăch mra ƀư hađăch chiă uănh lĕ n'gor Israel, di nâm nuih n'hâm hađăch ŭch.” Y-Đavit ăn Y-Apner sĭt, jêh ri păng hăn ma nau đăp mpăn.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.

I Samuel 28:17

Brah Yêhôva ƀư jêh ma may tĭng nâm lĕ nau Păng ngơi jêh ma gâp: Brah Yêhôva sŏk jêh ƀon bri hađăch tă bơh ti may gay ăn ma nơm chiau meng may jêng Y-Đavit.

I Samuel 3:20

Lĕ rngôch phung Israel, ntơm bơh Dan tât ta Bêr-Sêba, gĭt ma Y-Samuel jêng du huê nơm mbơh lor ma Brah Yêhôva.