II Samuel 24:7 - Nau Brah Ndu Ngơi 2023

⁷ Khân păng tâm ban đŏng hăn tât ma pôih ƀon Tyre, lăp tâm lĕ rngôch ƀon phung Hivit jêh ri phung Kanaan. Jêh nây khân păng hăn ma nkual Nêgep n'gor Yuđa ta Bêr-Sêba.

II Samuel 24:7 Iomraidhean Croise

II Samuel 24:2

Pônây hađăch đă ma Y-Jôap, jêng kôranh ma phung tahan toyh, dôl gŭ ndrel ma hađăch: “Hăn hom lam tâm lĕ rngôch ndŭl mpôl Israel, ntơm bơh Dan tât ma Bêr-Sêba, kơp rnoh bunuyh gay ăn gâp dơi gĭt rnoh phung Israel jêng ndah âk.”

II Samuel 24:8

Pônây, khân păng hăn lam n'gor; lôch sĭn khay bar jât nar, khân păng plơ̆ sĭt ta ƀon Yêrusalem.

Sakari 9:3

Nđâp lah ƀon Tyre hŏ ƀư du mlâm pôih nâp ma păng nơm, Prăp nkrem prăk âk nâm bu ndruyh neh, Jêh ri nkrem mah nâm bu dak bŏk rŏ trong sâng.

Yôsuê 11:3

Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 19:28

tât ta Êbron, Rêhôp, Hamôn, Kana tât ta ƀon toyh Sidôn.

Yôsuê 19:29

N'har nây rle mpeh Rama tât ta ƀon Tyre geh mpêr nâp ngăn, jêh nây hăn tât ta Hôsa jêh ri lôch ta dak mƀŭt, dăch Mahala, tâm bri Aksip,

Yôsuê 9:1

Tơlah tăng nau nây, lĕ rngôch phung hađăch gŭ kơh ri dak krong Yurdan, mâu lah gŭ ta klơ yôk, tâm dâng jâng yôk, mâu lah rgŏ kơh Dak Mƀŭt Toyh tâm tham ma Liban, jêng phung hađăch phung Hitit, phung Amôrit, phung Kanaan, phung Pêrisit, phung Hivit jêh ri phung Jêbusit,

Yôsuê 9:7

Phung ƀon lan Israel lah ma phung Hivit: “Klăp lah khân may gŭ dăch ma hên, mâm ƀư hên dơi ƀư nau đăp mpăn đah khân may?”

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.