II Samuel 24:24 - Nau Brah Ndu Ngơi 2023

²⁴ Ƀiălah hađăch lah ma Y-Arauna: “Mâu ôh, gâp ŭch rvăt ndơ nây tă bơh may tĭng nâm rnoh di. Gâp mâu ŭch nhhơr ôh ma Yêhôva Brah Ndu gâp lĕ ndơ ƀư brah gŭch ƀiălah gâp mâu mâp rvăt ôh.” Pôri, Y-Đavit rvăt ntŭk mprah ba jêh ri ndrôk ma prăm jât Sêkel prăk.

II Samuel 24:24 Iomraidhean Croise

Nau Ntơm 23:11

“Mâu ôh, ơ kôranh, iăt hom nau gâp. Tanăp măt phung ƀon lan gâp, gâp ăn may mir nây, jêh ri ăn đŏng nđâp trôm lŭ geh ta nây. Dăn may tâp hom bunuyh may hŏ khĭt.”

Nau Ntơm 23:13

jêh ri lah ma Y-Ephrôn, tanăp măt phung ƀon lan pô aơ: “Iăt hom nau gâp. Dăn ăn gâp dơi ăn rnoh prăk gay rvăt mir aơ. Dăn may dơn an ri mơ gâp dơi tâp bunuyh gâp hŏ khĭt ta ntŭk nây.”

Nau Ntơm 23:16

Y-Abraham sŏk dơn nau Y-Êp-rôn lah; jêh ri tanăp măt phung kon sau ndŭl deh Y-Het, Y-Abraham njing ăn ma Y-Ephrôn di rnoh prăk păng hŏ mbơh jêh jêng puăn rhiăng sêkel, tĭng nâm prăk bu dŏng tâm nau tăch tơr.

I Nau Rêh Jêng 21:1

Satan dâk tâm rdâng đah phung Israel, jêh ri nsŭk nsôr Y-Đavit kơp rnoh bunuyh.

I Nau Rêh Jêng 22:1

Y-Đavit lah: “Ntŭk aơ mra jêng ntŭk ngih brah ma Yêhôva Brah Ndu, jêh ri aơ jêng nơng ƀư brah prăp ăn ma phung Israel nhhơr ndơ ƀư brah gŭch.”

Samƀŭt Pôl Njuăl Ăn Ma Phung Nsing Ta Ƀon Rôm 12:17

Lơi sŏk nau mhĭk mplơ̆ nau mhĭk ma bu; gơih mĭn hom ƀư nau ueh tanăp lĕ rngôch bunuyh.