II Samuel 24:19 - Nau Brah Ndu Ngơi 2023

¹⁹ Y-Đavit hăn hao tĭng nâm nau Y-Gat lah, tĭng nâm Brah Yêhôva ntăm jêh.

II Samuel 24:19 Iomraidhean Croise

Nau Ntơm 6:22

Y-Nôê ƀư lĕ ntil di ƀoi nau ngơi Brah Ndu hŏ ntăm jêh.

II Samuel 24:18

Tâm nar nây, Y-Gat hăn tât tâm mâp đah Y-Đavit jêh ri lah: “Hăn hao hom, ndâk du nơng ƀư brah ma Brah Yêhôva ta ntŭk mprah ba Y-Arauna, bunuyh Jêbusit.”

II Samuel 24:20

Tơlah Y-Arauna uănh saơ hađăch jêh ri phung oh mon păng dôl văch rlet ma păng, păng hăn luh ro jêh ri păn muh măt ta neh tanăp măt hađăch.

I Nau Rêh Jêng 21:19

Y-Đavit hăn ƀư tĭng nâm nau Y-Gat hŏ ngơi tâm amoh Brah Yêhôva.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

ហេឞ្រើ 11:8

Yor ma nau chroh, Y-Abraham tông bâr Brah Ndu kuăl, hăn tât ta n'gor êng păng nơm mra dơn jêng drăp ndơn; păng hăn ƀiălah mâu gĭt ôh mbah ntŭk păng mra hăn.