II Samuel 24:16 - Nau Brah Ndu Ngơi 2023

¹⁶ Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

II Samuel 24:16 Iomraidhean Croise

Nau Ntơm 10:16

Y-Kanaan jêng chô yau phung Jêbusit, phung Amôrit, phung Girgasit,

Nau Ntơm 6:6

pôri Brah Ndu nduyh tôr yorlah hŏ njêng jêh kon bunuyh klơ neh, jêh ri rngot tâm nuih n'hâm.

II Samuel 24:18

Tâm nar nây, Y-Gat hăn tât tâm mâp đah Y-Đavit jêh ri lah: “Hăn hao hom, ndâk du nơng ƀư brah ma Brah Yêhôva ta ntŭk mprah ba Y-Arauna, bunuyh Jêbusit.”

II Samuel 5:8

Tâm nar nây, Y-Đavit lah: “Lĕ rngôch phung ŭch tâm lơh đah phung Jêbusit, hăn tĭng hom trong ntu gay hăn trŭnh sŏk dak jêh ri tâm lơh đah phung rvĕn jêh ri phung chieh măt, jêng phung rlăng Y-Đavit.” Yor nau nây geh trong: “Phung chieh măt jêh ri phung rvĕn mâu mra dơi lăp tâm ngih ôh.”

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

I Nau Rêh Jêng 1:14

jêh ri phung Jêbusit, phung Amôrit, phung Girgasit,

II Nau Rêh Jêng 3:1

Y-Salômôn ntơm ndâk ngih Brah Yêhôva, tâm Yêrusalem klơ yôk Môria, jêng ntŭk Brah Yêhôva hŏ tâm mpơl jêh ma Y-Đavit, mbơ̆ păng. Nĕ jêng ntŭk Y-Đavit hŏ nchŏng jêh gay ndâk tâm ntŭk mprah ba Y-Ôrnan, bunuyh Jêbusit.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Mprơ Ơm 135:14

Yorlah Brah Yêhôva mra koh dŏng phung ƀon lan Păng, Jêh ri yô̆ nđach ma phung oh mon Păng.

Nau Mprơ Ơm 35:6

Ăn trong khân păng jêng ngo klĕng jêh ri mbĭr prah, Dăn tông mpăr Brah Yêhôva mprơh tĭng khân păng!

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 90:13

Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Nau Ngluh Êjipt 12:13

Mhĭng mham ta klơ ngih khân may dôl gŭ, mra jêng nau tâm mbên ăn ma khân may. Nôk Gâp ƀư nau nđêh nji tâm n'gor Êjipt, saơ mham nây Gâp mra hăn rgăn jêh ri mâu mra geh ôh nau mhĭk tât gay ƀư rai khân may.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Nau Ngluh Êjipt 32:14

Brah Yêhôva tâm rgâl nau păng ŭch mĭn mâu ƀư nau mhĭk ma phung ƀon lan Păng.

Nau Ngluh Êjipt 9:28

Mbơh sơm hom ma Brah Yêhôva gay ma bah nglaih jêh ri mih tŭp pler, jêh nây gâp mra ăn khân may hăn, mâu hôm gŭ đŏng ôh!”

Êsai 27:8

May tâm rmal jêh khân păng tâm nau veh keh Ma nau nsot khân păng; May dŏng phŭt chuănh đô̆ ktang rdu khân păng Tâm nar geh sial bơh luh nar.

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Yêrêmi 26:19

Y-Hêsêkia, hađăch Yuđa, jêh ri lĕ rngôch ƀon lan phung Yuđa nkhĭt lơi păng nây lĕ? Mâu di hĕ hađăch hŏ klach yơk ma Brah Yêhôva jêh ri vơl dăn nau yô̆ Brah Yêhôva, pôri Brah Yêhôva tâm rgâl nau mĭn mâu nkhŭt nau mhĭk tâm ban ma Păng hŏ mbơh lor jêh ma khân păng lĕ? Bi aƀaơ he ŭch vơt dơn nau mhĭk toyh ngăn ma he nơm!”

Yêrêmi 42:10

‘Tơlah khân may hôm dŏng gŭ tâm n'gor bri aơ pôri Gâp mra ndâk mâu rơih lơi ôh, mra brôi tăm mâu geh rôk lơi ôh; yorlah Gâp nhhuach ma nau mhĭk Gâp hŏ ƀư jêh ma khân may.

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Sakari 9:7

Gâp mra jut kloh mham tă bơh trôm mbung păng, Jêh ri sŏk lĕ ndơ sa ƀơ̆ ƀơch luh bơh sêk păng; Păng mra nâm bu phung ƀon lan hôm klen ma Brah Ndu he Jêh ri mra jêng nâm bu du huê kôranh tâm noi deh Yuđa Bi phung Êkron mra jêng nâm bu phung Jêbusit.

Markôs 14:41

Păng plơ̆ tay đŏng rơh pe, jêh ri lah ma phung oh mon: “Mâm khân may hôm bê̆ch jêh ri gŭ rlu? Găp jêh, mông tât jêh! Aơ, nơm rlăng mra jao Kon Bunuyh tâm ti phung tih.

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

I Kôrintô 10:10

Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

II Kôrintô 2:6

Bunuyh nây geh nau tâm rmal bơh âk bunuyh tâm phung khân may kơt nây jêng tŏng jêh.

Yôsuê 15:63

Phung Yuđa mâu dơi mprơh ôh phung Jêbusit gŭ tâm Yêrusalem. Pônây phung Jêbusit hôm gŭ ndrel ma phung ƀon lan Yuđa ta Yêrusalem kŏ tât ta nar aơ.

Phung Kôranh Phat Dôih 1:21

Ƀiălah phung kon sau Benjamin mâu mprơh ôh phung Jêbusit gŭ tâm ƀon Yêrusalem, pônây phung Jêbusit ăt hôm gŭ n'hanh ma phung kon sau Benjamin kŏ tât ta nar aơ.

Phung Kôranh Phat Dôih 19:11

Tơlah khân păng tât êp Jêbus nar lĕ dăch kêng măng ngo jêh. Oh mon lah ma kôranh păng: “He veh lăp hom ta ƀon toyh phung ƀon lan Jêbus aơ, jêh ri bê̆ch măng ta nây.”

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.