II Samuel 24:15 - Nau Brah Ndu Ngơi 2023

¹⁵ Pôri, Brah Yêhôva ƀư ăn nau ji tưp ƀư mhĭk ngăn tâm phung Israel, ntơm bơh ơm ôi nar nây tât ta mông hŏ nal jêh. Rnoh bunuyh khĭt tâm phung ƀon lan ntơm bơh Dan tât ma Bêr-Sêba jêng pơh rmưn nuyh.

II Samuel 24:15 Iomraidhean Croise

II Samuel 24:2

Pônây hađăch đă ma Y-Jôap, jêng kôranh ma phung tahan toyh, dôl gŭ ndrel ma hađăch: “Hăn hom lam tâm lĕ rngôch ndŭl mpôl Israel, ntơm bơh Dan tât ma Bêr-Sêba, kơp rnoh bunuyh gay ăn gâp dơi gĭt rnoh phung Israel jêng ndah âk.”

I Nau Rêh Jêng 21:14

Brah Yêhôva njuăl nau ji tưp tât ma phung Israel ƀư ma pơh rmưn bunuyh Israel cha lôt khĭt.

I Nau Rêh Jêng 27:24

Y-Jôap, kon H'Sêruya, ntơm kơp rnoh bunuyh ƀiălah mâu dơi lôch ôh. Yorlah kan nây nau Brah Ndu ji nuih tât ma phung Israel, jêh ri păng mâu nchih ôh amoh kơp tâm ndrom samƀŭt nau rêh jêng ma hađăch Đavit.

I Nau Rêh Jêng 27:4

Kôranh chiă uănh toyh ma mpôl tahan pah kan tâm khay rơh bar jêng Y-Dôdai bunuyh Ahôhit, geh Y-Miklôt jêng kôranh ma mpôl tahan nây. Mpôl tahan aơ geh bar rmưn puăn rbăn nuyh tahan.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Nau Kơp Bunuyh 25:9

Ƀiălah, geh bar rmưn puăn rbăn bunuyh lĕ khĭt jêh yor nau mhĭk nây.

Mathay 24:7

Yorlah phung ƀon lan aơ mra dâk tâm rdâng đah phung ƀon lan êng, bri dak tê̆ tâm rdâng đah bri dak ri; geh nau sa sât ji ngot, nau n'găr neh ntu tât geh âk ntŭk.

Nau Tâm Mpơl 6:8

Gâp uănh, ri du mlâm seh ĭr rmĭt. Nơm ncho seh rnha Nau Khĭt, jêh ri Ƀon phung khĭt tĭng pakơi păng. Bu ăn ma khân păng nau dơi ƀư rai du kô̆ tâm puăn ta neh ntu gay nkhĭt ma đao gưm, nau sa sât ji ngot, nau ji tưp jêh ri ma phung mpô mpa bri janh ta neh ntu.

I Samuel 6:19

Brah Yêhôva rmal phung Bet-Sêmes, yorlah khân păng hŏ uănh jêh tâm trôm Hip Nau Tâm Rnglăp Brah Yêhôva. Păng nkhĭt pơh jât nuyh phung ƀon lan. Phung ƀon lan nhĭm nhhiăng yorlah Brah Yêhôva nkhŭt jêh du nau tât toyh ta klơ khân păng.