II Samuel 24:13 - Nau Brah Ndu Ngơi 2023

¹³ Y-Gat hăn văch ma Y-Đavit, mbơh ma hađăch lĕ nau nây jêh ri lah: “Moh nau hađăch săch: Mâu lah pơh năm nau sa sât ji ngot tâm bri may, mâu lah pe khay hađăch nchuăt du bơh tanăp phung rlăng tĭng may, mâu lah pe nar nau ji tưp ƀư mhĭk ngăn tâm bri may? Aƀaơ, dăn may gŭ mĭn jêh ri săch nau gâp mra plơ̆ sĭt lah đŏng ma Nơm prơh gâp hăn jêh.”

II Samuel 24:13 Iomraidhean Croise

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

II Samuel 24:12

“Hăn nkoch hom ma Y-Đavit pô aơ Brah Yêhôva lah kơt aơ: ‘Gâp geh pe nau ma may. Săch hom knŏng nguay tâm pe nau nây, jêh nây Gâp mra sŏk nau nây ƀư ma may.’”

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

I Nau Rêh Jêng 21:12

mâu lah pe năm ji ngot, mâu lah pe khay nau ƀư rai tă bơh phung rlăng may jêh ri đao phung rlăng may ban lơh may; mâu lah pe nar ma đao Brah Yêhôva rmal, jêng nau ji tưp tâm n'gor jêh ri tông mpăr Brah Yêhôva ƀư rai lam n'gor bri Israel.’ Pôri aƀaơ ri, săch hom nau gâp mra plơ̆ sĭt lah ma Nơm prơh gâp hăn.”

Nau Mprơ Ơm 91:6

Mâu lah nau ji tưp tâm nau ngo Mâu lah nau rai yot ƀư rai dôl nklang bôk nar.

Nau Ngluh Êjipt 7:25

Nau aơ jŏ tâm pơh nar kơp ntơm bơh Brah Yêhôva ăn tât nau mhĭk tâm dak krong.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Kan Lêvi 26:20

n'hâm suan khân may mra roh dơm dam, neh tâm n'gor khân may mâu deh kao play ôh, tơm si mâu geh play.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:27

Brah Yêhôva mra ƀư rêh ni khân may ma nau ji ndâng ok eh bơh n'gor Êjipt, nau ji toh ko, ji toh ok, nau ji chiăt ƀiălah săm mâu dơi bah ôh.

Nau Vay Nkah Tay 28:35

Brah Yêhôva mra ƀư rêh ni khân may ma nau ji eh ta kômâk jêh ri ta jâng, jêh nây hao tă bơh mpang jâng tât ta klơ bôk, khân may săm mâu dơi bah ôh.

Nau Vay Nkah Tay 28:52

Khân păng mra nchueng jŭm khân may tâm lĕ rngôch ƀon kŏ tât mpêr ƀon prêh jêh ri dŭt nâp khân may rnơm mra rlâm. Khân păng mra nchueng jŭm lam n'gor Yêhôva Brah Ndu khân may ăn jêh ma khân may.

I Samuel 25:17

Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”