II Samuel 24:10 - Nau Brah Ndu Ngơi 2023

¹⁰ Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Samuel 24:10 Iomraidhean Croise

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

I Phung Hađăch 8:35

Tơlah lĕ ndâr trôk nchăng nâp, mâu geh dak mih ôh yorlah khân păng ƀư tih jêh đah May, tơlah khân păng rle mpeh ta ntŭk aơ gay mbơh sơm, jêh ri mbơh nau khân păng chroh ma amoh May, chalơi nau tih khân păng nơm, yorlah May hŏ phat dôih jêh khân păng,

I Nau Rêh Jêng 21:7

Nau kơp rnoh bunuyh jêng nau mhĭk tanăp măt Brah Ndu, pôri Păng rmal phung Israel.

I Nau Rêh Jêng 21:8

Y-Đavit lah ma Brah Ndu: “Gâp hŏ ƀư tih toyh ngăn, dôl gâp ƀư nau nây. Ƀiălah aƀaơ ri, dăn ma Kôranh Brah lơi klăp ndăng lĕ nau kue bơh oh mon May; yorlah gâp ƀư jêh ma nau rluk ngăn.”

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Ngluh Êjipt 10:16

Pharaôn kuăl ndal Y-Môis n'hanh Y-Arôn văch jêh ri lah: “Gâp hŏ ƀư tih jêh đah Yêhôva Brah Ndu khân may jêh ri đah khân may đŏng.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Nau Kơp Bunuyh 12:11

Y-Arôn lah ma Y-Môis: “Hơi, kôranh gâp, lơi tâm rmal hên yorlah nau tih hên hŏ ƀư tih tâm nau rluk.

Markôs 7:22

nau ka n'hong, nau kơnh rlau ir, janh ƀai, nau mƀruh nchơt, nau brơl rlach, nau keh nach, ngơi nchơt, nau brŭt ndrăng.

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 8:9

Lah khân păng tăng nau nây, khân păng du rhôch rhôch, phung bu ranh hăn lor. Brah Yêsu gŭ êng n'hanh ma bu ur hôm gŭ ta nây.

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 24:5

Phung tĭng ndô̆ Y-Đavit lah ma păng: “Aơ jêng nar Brah Yêhôva hŏ lah ma may: ‘Aơ, Gâp jao phung rlăng may tâm ti may. Lơh hom ma păng tĭng may ŭch.’” Ƀiălah Y-Đavit dâk, koh ntŭng ntôr ao rjai Y-Sôl.

I Samuel 24:6

Pônây, nuih n'hâm Y-Đavit nduyh êng păng nơm yor nau păng koh ntôr ao rjai hađăch Y-Sôl.

I Samuel 26:21

Rnôk nây, Y-Sôl ngơi: “Gâp geh nau tih! Hơi Y-Đavit, kon gâp, plơ̆ sĭt hom! Gâp mâu mra ƀư mhĭk ma may đŏng ôh, yorlah nar aơ may hŏ uănh yơk nau rêh gâp. Ngăn yơh, gâp hŏ ƀư jêh nau brŭt moih, hŏ ƀư tih toyh ngăn.”