II Samuel 24:1 - Nau Brah Ndu Ngơi 2023

¹ Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

II Samuel 24:1 Iomraidhean Croise

Nau Ntơm 45:5

Ƀiălah aƀaơ aơ, khân may lơi rngot rvê jêh ri mâu lĕ dơi nduyh ma khân may nơm, yorlah khân may tăch jêh gâp ta aơ. Yorlah Brah Ndu prơh jêh gâp hăn tât ta aơ lor ma khân may gay tâm rklaih nau rêh.

Nau Ntơm 50:20

Khân may mĭn ƀư mhĭk ma gâp, ƀiălah Brah Ndu ăn nau nây jêng nau ueh gay ƀư du nau dôl tât geh nar aơ, nâm bu ntĭt mât njrăng nau rêh ma âk bunuyh tât jêh nar aơ.

II Samuel 12:11

Pô aơ Brah Yêhôva lah: ‘Aơ, tă bơh ngih may nơm, Gâp mra ƀư ăn nau mhĭk tât ma may. Gâp mra nhŭp phung ur may tanăp măt may jêh ri jao khân păng ma nơm chiau meng may, păng mra bê̆ch ndrel đah phung ur may ta nôk nar.

II Samuel 16:10

Ƀiălah hađăch lah: “Hơi phung kon bu klâu H'Sêruya, moh nau gâp geh đah khân may? Tơlah Y-Simei rak rtăp yorlah Brah Yêhôva hŏ lah jêh ma păng pô aơ: ‘Rak rtăp hom ma Y-Đavit,’ pôri mbu nănh lah păng: ‘Mbah tă may lah nau nây?’”

II Phung Hađăch 3:6

Nôk nây, hađăch Jôram luh du bơh Samari, rgum lĕ rngôch phung Israel.

I Nau Rêh Jêng 21:1

Satan dâk tâm rdâng đah phung Israel, jêh ri nsŭk nsôr Y-Đavit kơp rnoh bunuyh.

I Nau Rêh Jêng 7:2

Phung kon Y-Tôla jêng: Y-Usi, Y-Rêphaya, Y-Jêriêl, Y-Jahmai, Y-Ipsam, jêh ri Y-Samuel. Khân păng jêng phung kôranh tâm noi deh Tôla, jêh ri khân păng jêng phung tahan janh ktang tâm noi deh khân păng. Tâm rnôk hađăch Đavit, rnoh kơp phung kon sau khân păng jêng bar rmưn bar rbăn prao rhiăng nuyh.

I Nau Rêh Jêng 7:40

Lĕ rngôch phung nây jêng phung kon sau Aser, ƀư kôranh tâm noi deh, jêng phung tahan janh ktang bu hŏ săch jêh, kôranh toyh ma phung kôranh tahan. Tĭng nâm noi deh, rnoh kơp bunuyh ndrăp ma kan tâm lơh jêng bar rmưn prao rbăn nuyh.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

Nau Ngluh Êjipt 7:3

Ƀiălah Gâp mra ƀư dăng nuih n'hâm Pharaôn, jêh ri nđâp lah Gâp ăn lơ n'hao âk nau mbên khlay tâm n'gor Êjipt

Êsêkiêl 14:9

Tơlah nơm mbơh lor geh nau ntrôl jêh ri ngơi du bâr, Gâp nơm yơh, Brah Yêhôva, mra ăn bu ntrôl nơm mbơh lor nây jêh ri Gâp mra yơr ti tâm rdâng đah păng, jêh ri ƀư rai lơi păng bơh ta phung ƀon lan Gâp Israel.

Êsêkiêl 20:25

Tâm ban lĕ Gâp hŏ ăn jêh ma khân păng lĕ rngôch nau vay dăp mâu ueh ôh jêh ri lĕ rngôch nau vay ƀư mâu yor tă bơh nây dơi rêh.

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Nau Kơp Bunuyh 1:19

Pônây Y-Môis kơp rnoh bunuyh ta bri rdah Sinai, tĭng nâm nau Brah Yêhôva hŏ ntĭnh ntăm jêh:

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

II Têsalônik 2:11

Yor nây, Brah Ndu jao khân păng tâm nau vĭ ngăn, ƀư ăn khân păng chroh ma nau mƀruh ndơm,

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

Phung Kôranh Phat Dôih 2:20

Yor ri, Brah Yêhôva hao ji nuih ma phung Israel, jêh ri Păng lah: “Yorlah phung ƀon lan mâu gŭ răp jăp ma nau tâm rnglăp Gâp hŏ ntăm ma phung chô yau khân păng, jêh ri yorlah khân păng mâu ŭch tông ôh bâr Gâp,

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’