II Samuel 23:34 - Nau Brah Ndu Ngơi 2023

³⁴ Y-Êliphêlet kon Y-Ahasbai bơh Makatit, Y-Êliam kon Y-Ahitôpel bunuyh Gilô,

II Samuel 23:34 Iomraidhean Croise

II Samuel 10:6

Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Samuel 10:8

Phung Ammôn hăn luh, nkrĭp dăp tahan ta ntŭk mpông ƀon, bi phung tahan Aram ta Sôba jêh ri Rêhôp, phung tahan tă bơh n'gor Tôp jêh ri hađăch phung Maka gŭ êng da dê tâm mir.

II Samuel 11:3

Y-Đavit prơh bu hăn ôp bu ur nây mbu moh, bu lah: “Nây jêng H'Batsêba, kon bu ur Y-Êliam, ur Y-Uri, bunuyh Hitit.”

II Samuel 15:12

Dôl Y-Apsalôm nhhơr mpa ƀư brah, păng prơh bu hăn jă Y-Ahitôpel, bunuyh Gilô, jêng nơm nchră ma Y-Đavit, văch bơh Gilô. Nau tâm rdâng nây lơ hâu ktang lơn, jêh ri rnoh bunuyh phung ƀon lan tĭng ndô̆ Y-Apsalôm jêng lơ hâu âk.

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Samuel 20:14

Y-Sêba hăn lam lĕ ndŭl mpôl Israel, tât ma ƀon Abel Bet-Maka; lĕ rngôch phung Bêrit tâm rgum da dê jêh ri tĭng ma păng.

Nau Vay Nkah Tay 3:14

Y-Jar bơh ndŭl mpôl Manasê hŏ sŏk lĕ n'gor Argôp kŏ tât n'har phung Gêsurit jêh ri phung Makatit, jêh ri rnha ma ƀon jê̆ Basan ma amoh păng nơm, jêng ƀon jê̆ Jar, kŏ tât ta nar aơ.)

I Samuel 26:6

Y-Đavit ôp ma Y-Ahimalek, bunuyh Hitit, jêh ri Y-Abisai, kon H'Sêruya, oh Y-Jôap: “Mbu nơm mra hăn ndrel ma gâp trŭnh ma pôih tahan Y-Sôl?” Y-Abisai lah: “Gâp mra hăn trŭnh ndrel ma may.”