II Samuel 23:3 - Nau Brah Ndu Ngơi 2023

³ Brah Ndu phung Israel hŏ ngơi jêh, Lŭ Toyh phung Israel hŏ lah jêh ma gâp: ‘Tơlah du huê chiă uănh bunuyh ma nau sŏng, Chiă uănh ma nau klach yơk ma Brah Ndu

II Samuel 23:3 Iomraidhean Croise

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

II Samuel 22:32

Yorlah, Padih Brah Yêhôva, mbu jêng Brah Ndu? Mbu jêng lŭ toyh, tơlah mâu di Brah Ndu hên?

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 10:9

Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

Nêhêmi 5:14

Rlau ma nây, ntơm bơh nar bu njêng gâp ƀư kôranh chiă uănh tâm n'gor bri Yuđa, jêng ntơm bơh năm rơh bar jât tât ma năm rơh pe jât ma bar nôk rô̆ hađăch Artasersês, lĕ rngôch jêng jât ma bar năm, gâp jêh ri phung oh nâu gâp mâu kêh prăk nkhôm prăp ma kôranh chiă uănh.

Ndrom Samƀŭt bơh Yôp 34:17

Bunuyh rmot nau di mâm dơi jêng kôranh chiă uănh? May dơi rmal Nơm sŏng srăng jêh ri geh nau brah lĕ?

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 42:9

Gâp lah ma Brah Ndu jêng Lŭ Toyh gâp pô aơ: “Mâm ƀư May chuêl gâp? Mâm ƀư gâp rngot klâng Tâm dâng nau tŭn jot phung rlăng?”

Nau Mprơ Ơm 72:1

Ơ Brah Ndu, dăn ăn nau di May ma hađăch, Jêh ri ăn nau sŏng srăng May ma kon bu klâu hađăch.

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Ngluh Êjipt 18:21

Rlau lơn ma nĕ, săch hom tâm phung ƀon lan phung bunuyh geh nau blau mĭn, nau klach yơk ma Brah Ndu, nanê̆ ngăn, rmot ma nau sa blŏl drăp, jêh ri ndâk ăn khân păng jêng kôranh mât uănh ma rbăn nuyh, ma rhiăng nuyh, ma prăm jât nuyh, mâu lah ma jât nuyh.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Hôr 31:9

Hă hom trôm mbung may, phat dôih ma nau sŏng, Mât an nau di ma phung o ach rêh ni.

Êsai 32:1

Aơ, du huê hađăch mra chiă uănh ma nau sŏng srăng, Phung kôranh mra chiă uănh ma nau di.

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

ហេឞ្រើ 1:8

Ƀiălah lah ma Kon geh nau lah: “Ơ Brah Ndu, sưng hađăch May hôm ƀaƀơ n'ho ro, Nau dơi ƀon bri hađăch Kôranh Brah jêng nau dơi sŏng.