II Samuel 23:10 - Nau Brah Ndu Ngơi 2023

¹⁰ ƀiălah Y-Êlêasar dâk jêh ri nkhĭt phung Philistin kŏ tât rgănh ti, n'ho dăng krêp đao tâm ti păng. Tâm nar nây, Brah Yêhôva ăn ma phung Israel nau dơi tâm lơh toyh. Phung tahan plơ̆ tay tĭng groi pakơi Y-Êlêasar knŏng kâp sŏk gro ndô ndơ phung rlăng nây dơm.

II Samuel 23:10 Iomraidhean Croise

II Samuel 23:12

Ƀiălah Y-Sama dâk ta nklang mir, kâp n'gang păng jêh ri dơi lơh phung Philistin; Brah Yêhôva ăn ma phung Israel geh nau dơi tâm lơh toyh.

II Phung Hađăch 5:1

Y-Naaman, kôranh chiă uănh ma phung tahan hađăch Aram, jêng du huê bunuyh geh nau ktang jêh ri geh nau yơk ngăn tanăp kôranh păng nơm, yorlah ma păng, Brah Yêhôva ăn nau dơi ma phung Aram. Nđâp tơlah păng jêng du huê tahan janh ktang, ƀiălah Y-Naaman geh ji phŭng.

I Nau Rêh Jêng 11:13

Păng gŭ ndrel ma Y-Đavit ta Pas-Damim, tơlah phung tahan Philistin tâm rgum ndrel ta nây gay tâm lơh. Ta nây, geh mir bêng ba ôrgơ, jêh ri phung tahan Israel nchuăt du da dê panăp phung Philistin.

Nau Mprơ Ơm 108:13

Rnơm Brah Ndu, hên mra tâm lơh ma nau janh ktang, Yorlah Kôranh Brah yơh mra jot plên phung rlăng đah hên.

Nau Mprơ Ơm 144:10

May hŏ rklaih jêh ma phung hađăch, Jêh ri rklaih Y-Đavit, oh mon May, bơh đao ƀư rai.

Nau Mprơ Ơm 68:12

“Phung hađăch geh phung tahan nchuăt du, nchuăt du jêh!” Phung bu ur hôm gŭ tâm ngih ăt tâm pă drăp ndơ geh.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Samƀŭt Pôl Njuăl Ăn Ma Phung Nsing Ta Ƀon Rôm 15:18

Yorlah gâp mâu nănh ngơi du ntil nau êng, ƀiălah knŏng ngơi lĕ nau Brah Krist hŏ ƀư tâm gâp, gay ƀư ma phung bu năch tông bâr Păng. Ma nau ngơi jêh ri ma nau kan,

II Kôrintô 4:5

Yorlah hên mâu mbơh nkoch ma hên nơm ôh, ƀiălah mbơh nkoch Brah Krist jêng Kôranh Brah; jêh ri săk jăn hên jêng oh mon khân may yor Brah Yêsu.

Yôsuê 10:10

Brah Yêhôva ƀư ăn ma khân păng nchuăt du rŭng răng tanăp phung Israel, jêh ri nkhĭt khân păng âk ngăn ta Gibêôn. Phung tahan Israel tĭng rgot khân păng ta trong sop Bet-Hôron, jêh ri lơh nkhĭt khân păng kŏ tât ma Asêka jêh ri Makêda.

Yôsuê 10:42

Y-Yôsuê nhŭp lĕ phung hađăch nây jêh ri pit sŏk bri khân păng knŏng hăn lơh du tơ̆ dơm, yorlah Yêhôva Brah Ndu phung Israel tâm lơh an ma phung Israel.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Phung Kôranh Phat Dôih 15:14

Tơlah păng hăn tât Lêhi, phung ƀon lan Philistin troh nchuăt sĭt mpeh Y-Samsôn. Huêng Brah Yêhôva văch gŭ ndrel ma Y-Samsôn, ƀư ăn lĕ rse bu kât tŭp bơh ti păng nâm ŭnh sa rse brai mhay.

Phung Kôranh Phat Dôih 15:18

Yorlah ji hir dak hâu ngăn, păng kuăl mbơh sơm Brah Yêhôva pô aơ: “Kôranh Brah hŏ ăn ma oh mon Kôranh Brah nau tâm rklaih toyh aơ, aƀaơ mâm gâp mra khĭt ma nau ji hir, jêh ri tŭp đŏng tâm ti phung mâu geh koh ntâu?”

I Samuel 11:13

Ƀiălah Y-Sôl lah: “Bu mâu mra nkhĭt du huê bunuyh ôh nar aơ, yorlah jêng nar Brah Yêhôva rklaih jêh Israel.”

I Samuel 14:23

Nar nây, Brah Yêhôva tâm rklaih phung Israel; jêh ri nau tâm lơh rlau ma ƀon Bet-Aven.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”

I Samuel 17:53

Jêh hăn tĭng phung tahan Philistin, phung ƀon lan Israel plơ̆ sĭt sŏk pit pôih khân păng.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”