II Samuel 22:44 - Nau Brah Ndu Ngơi 2023

⁴⁴ May tâm rklaih jêh gâp tă bơh nau tâm rlăch đah phung ƀon lan; May prăp gâp gay ăn jêng bôk ma lĕ bri dak; Du ntĭl mpôl gâp mâu gĭt năl mra pah kan ma gâp.

II Samuel 22:44 Iomraidhean Croise

II Samuel 19:14

Pônây, phung Yuđa rŏng ngăn ma Y-Đavit, lĕ rngôch khân păng nâm bu du huê bunuyh dơm. Khân păng prơh bu hăn mbơh ma hađăch: “Dăn hađăch jêh ri lĕ rngôch phung oh mon may plơ̆ sĭt hom.”

II Samuel 19:9

Tâm lĕ rngôch phung ndŭl mpôl Israel, bu nchră ndrăng khân păng pô aơ: “Hađăch tâm rklaih jêh he bơh ti phung rlăng, jêh ri păng rklaih jêh he bơh ti phung Philistin. Ƀiălah aƀaơ, păng du jêh bơh bri dak yor Y-Apsalôm.

II Samuel 20:22

Jêh nây bu ur nây văch tanăp lĕ rngôch phung ƀon lan, jêh ri blau mĭn nsŭk nsôr khân păng. Bu koh trô ko Y-Sêba, kon Y-Bikri, jêh ri mƀăr ăn ma Y-Jôap. Y-Jôap uh nŭng rŭch plơ̆ phung tahan, lĕ rngôch bunuyh du tă bơh ƀon, ăp nơm plơ̆ sĭt rlet ma ngih khân păng nơm. Bi Y-Jôap plơ̆ sĭt ma hađăch ta Yêrusalem.

II Samuel 3:1

Ngih Y-Đavit jêh ri ngih Y-Sôl tâm lơh mro jŏ năng nar; Y-Đavit lơ nar lơ ktang, bi ngih Y-Sôl lơ nar lơ huơi.

II Samuel 5:1

Rnôk nây, lĕ rngôch ndŭl mpôl Israel văch tât ma Y-Đavit ta Hêbron, jêh ri lah: “Hên jêng noi deh du mham đah hađăch.

Nau Mprơ Ơm 110:6

Păng mra phat dôih lĕ bri dak, Ƀư lam ntŭk bêng ma săk jăn bunuyh khĭt; Păng mra jot hăch Lĕ phung mât bôk tâm ăp n'gor bri.

Nau Mprơ Ơm 18:43

Kôranh Brah tâm rklaih jêh gâp bơh nau phung ƀon lan tâm rdâng; Ndâk gâp ƀư bôk lĕ bri dak; Du phung ƀon lan mâu gĭt năl mra pah kan ma gâp.

Nau Mprơ Ơm 2:8

Dăn hom tă bơh Gâp, Gâp mra ăn lĕ bri dak jêng drăp ndơn ma Kon, Jêh ri lam lĕ rplay neh jêng drăp ndơ ma Kon.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 60:12

Yorlah mbu ndŭl mpôl jêh ri ƀon bri hađăch Mâu ŭch tông bâr ma may mra rai lôch; Bu mra ƀư rai lơi phung ndŭl mpôl nây lĕ ƀhiau.

Êsai 65:1

Phung bunuyh mâu mâp dăn ôp ma Gâp, hŏ mbơh sơm dăn Gâp; Phung bunuyh mâu joi Gâp, hŏ mâp jêh đah Gâp. Gâp lah ma du ndŭl mpôl bunuyh mâu mâp mbơh sơm ma amoh Gâp pô aơ: “Ta aơ Gâp, aơ ta aơ Gâp!”

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Samƀŭt Pôl Njuăl Ăn Ma Phung Nsing Ta Ƀon Rôm 15:12

Y-Êsai lah đŏng: “Ntơm bơh Y-Yêsê mra luh du mlâm reh, Jêng Nơm chiă uănh phung bu năch; Phung bu năch mra kâp gân tâm Păng.”

Samƀŭt Pôl Njuăl Ăn Ma Phung Nsing Ta Ƀon Rôm 9:25

Nâm bu Păng hŏ lah jêh tâm ndrom samƀŭt Y-Ôsê: “Gâp mra kuăl phung bunuyh mâu di phung ƀon lan Gâp jêng phung ƀon lan Gâp, Phung ƀon lan mâu rŏng jêng phung Gâp rŏng hâu ngăn ngên.”

Nau Vay Nkah Tay 28:13

Brah Yêhôva mra ƀư ăn khân may jêng dak bôk mâu geh nglĕ dŭt ôh, khân may mra hao ƀaƀơ let klơ mâu ôh jŭr ta nâm; tơlah khân may tông tĭng lĕ nau vay Yêhôva Brah Ndu ntăm khân may, jêng nau gâp ntăm ma khân may nar aơ, djôt prăp jêh ri ƀư ro,

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”