II Samuel 22:43 - Nau Brah Ndu Ngơi 2023

⁴³ Gâp mbang hăch khân păng nâm bu neh muy, Ƀư nchah rai, jot khân păng nâm bŏk rŏ trong.

II Samuel 22:43 Iomraidhean Croise

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Nau Mprơ Ơm 35:5

Ăn khân păng jêng nâm bu lâk sial khôm rdu, Dăn tông mpăr Brah Yêhôva mprơh lơi khân păng!

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 26:15

Ơ Brah Yêhôva, May hŏ ƀư jêh phung ƀon lan aơ đang ktang lơn, May hŏ ƀư jêh phung ƀon lan aơ đang ktang lơn, May geh nau tâm rnê; May pơk ăn dĭ n'har neh bri aơ.

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Sakari 10:5

Khân păng jêng nâm bu phung geh nau janh jot phung rlăng ta ntŭk tâm lơh Nâm bu neh bŏk rŏ trong sâng. Khân păng mra tâm lơh; yorlah Brah Yêhôva gŭ ndrel ma khân păng, Jêh ri phung bunuyh ncho seh mra prêng.”

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 32:26

Gâp ŭch mĭn jêh: ‘Gâp mra nchah rai khân păng ăp ntŭk, Jut ƀhiau nau ndray ma khân păng bơh phung bunuyh.’