II Samuel 22:3 - Nau Brah Ndu Ngơi 2023

³ Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

II Samuel 22:3 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

II Samuel 22:31

Bi ma Brah Ndu, lĕ trong Păng jêng nŭm rĭng, Nau Brah Yêhôva hŏ geh nau rlong uănh kloh jêh. Păng jêng khêl ma lĕ rngôch bunuyh nde krap tâm Păng.

II Samuel 22:47

Brah Yêhôva gŭ rêh mro mrăng jêh ri khư mât ton jêng lŭ toyh ma gâp! Tâm rnê Brah Ndu jêng lŭ nau tâm rklaih gâp!

II Samuel 22:49

Jêh ri rklaih gâp bơh phung rlăng. Kôranh Brah n'hao gâp ta klơ prêh lơn phung rlăng gâp, Jêh ri rklaih gâp bơh phung janh ƀai.

II Samuel 22:51

Brah Yêhôva ăn nau tâm rklaih toyh ma hađăch Păng săch jêh, Jêh ri tâm mpơl nau ueh ma nơm Păng tŏ jêh dak ƀâu kah, Jêng Y-Đavit jêh ri ma noi deh păng kŏ tât ƀaƀơ n'ho ro.”

II Samuel 23:3

Brah Ndu phung Israel hŏ ngơi jêh, Lŭ Toyh phung Israel hŏ lah jêh ma gâp: ‘Tơlah du huê chiă uănh bunuyh ma nau sŏng, Chiă uănh ma nau klach yơk ma Brah Ndu

Nau Mprơ Ơm 14:6

Phung mhĭk khân may ƀư rai lơi nau nchră ƀư phung o ach, Ƀiălah Brah Yêhôva jêng ntŭk khân păng gŭ krap.

Nau Mprơ Ơm 140:1

Ơ Brah Yêhôva, rklaih gâp bơh phung ƀai; N'gang gâp bơh bunuyh janh ƀai,

Nau Mprơ Ơm 140:11

Lơi ăn bunuyh geh mpiăt ndơm dơi gŭ nâp tâm n'gor; Ăn nau djơh mra hăn tĭng joi bunuyh janh ƀai!

Nau Mprơ Ơm 140:4

Ơ Brah Yêhôva, mât mray gâp bơh ti phung ƀai, N'gang gâp bơh bunuyh janh ƀai, Jêng phung tâm nchră ƀư prah jâng gâp.

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Nau Mprơ Ơm 144:2

May jêng Nơm geh nau ueh jêh ri pôih nâp ma gâp, Jêng ntŭk gâp krap jêh ri Nơm tâm rklaih gâp, Jêng khêl ma gâp jêh ri ntŭk gâp gŭ krap; May ƀư ăn phung mpôl băl lăp gŭ tâm dâng gâp.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 32:7

May jêng ntŭk gâp nde krap: May king n'gang gâp bơh nau rêh ni; May ăn nau mprơ ma nau tâm rklaih gay nkŭm gâp. (Sêla)

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:2

Yor ri, hên mâu klach ôh, nđâp lah neh ntu geh nau rgâl, Yôk mpât n'gơ jêh ri bu klŭp tâm nklang dak mƀŭt.

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 5:12

Ơ Brah Yêhôva, yorlah May yơh mra ăn nau ueh uĭn ma phung sŏng srăng, Sŏk nau rŏng Kôranh Brah nkŭm nking bunuyh nây nâm bu khêl.

Nau Mprơ Ơm 55:9

Ơ Kôranh Brah, rvăn lơi khân păng, ƀư tâm rlŭk nau ngơi khân păng, Yorlah gâp saơ nau ktang jêh ri tâm djrel tâm ƀon.

Nau Mprơ Ơm 59:16

Ƀiălah gâp mra mprơ ma nau ktang May; Ơm ôi gâp mra mprơ huy ma nau ueh May Yorlah May jêng pôih gâp, Ntŭk gŭ krap tâm nôk rêh ni.

Nau Mprơ Ơm 61:3

Yorlah May jêng ntŭk gâp gŭ krap, Jêng ntŭk tŭm nâp gay der luh bơh phung rlăng.

Nau Mprơ Ơm 71:7

Gâp jêng nau hih rhâl ma lĕ rngôch bunuyh; Ƀiălah May jêng ntŭk nâp gâp nde krap.

Nau Mprơ Ơm 72:14

Păng mra rklaih tâm nau rêh khân păng bơh nau tŭn jot jêh ri nau ƀai; Mham khân păng jêng khlay tâm dâng măt păng.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 84:9

Ơ Brah Ndu jêng khêl ma hên; Dăn uănh muh măt ma nơm May dơi tŏ dak ƀâu kah.

Nau Mprơ Ơm 86:14

Ơ Brah Ndu, phung sưr hao tâm rdâng jêh ma gâp, Du phung bunuyh ƀai joi gay ƀư rai ma huêng gâp; Khân păng mâu mĭn ôh May gŭ tanăp khân păng.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Mprơ Ơm 9:9

Brah Yêhôva jêng ntŭk krap ma phung bu tŭn jot, Jêng ntŭk krap n'gang săk tâm rnôk rêh ni.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 30:5

Lĕ nau Brah Ndu Ngơi dơi geh nau rlong da dê; Păng jêng khêl ma bunuyh rnơm nsing tâm Păng.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 16:9

Yorlah Brah Yêhôva ma phung tahan, Brah Ndu phung Israel, lah: ‘Aơ, tanăp măt khân may, tâm rô̆ khân may, Gâp mra ƀư ăn n'gor aơ mâu hôm geh nau răm maak ma bâr mprơ, mâu hôm geh bâr klay ƀăn.’

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Luka 1:71

Nau rklaih he bơh phung rlăng, Jêh ri bơh ti lĕ rngôch bunuyh tâm rmot đah he.

Nau Vay Nkah Tay 32:37

Nôk nây Păng mra ôp: “Phung brah khân păng, Lĕ lŭ toyh khân păng du krap,

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Titus 3:4

Ƀiălah lah nau ueh jêh ri nau rŏng tă bơh Brah Ndu, Nơm Tâm Rklaih he, tâm mpơl jêh nau Păng rklaih he,

Titus 3:6

jêng Nơm Brah Ndu nkhŭt jêh rmeh ler klơ he tă bơh Brah Yêsu Krist, Nơm Tâm Rklaih he,

ហេឞ្រើ 2:13

Păng lah đŏng: “Gâp mra rnơm nsing ma Kôranh Brah.” Jêh Păng lah đŏng: “Ta aơ, Gâp ndrel ma phung kon Brah Ndu ăn jêh ma Gâp.”

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.

I Samuel 2:2

Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.