II Samuel 22:22 - Nau Brah Ndu Ngơi 2023

²² Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

II Samuel 22:22 Iomraidhean Croise

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

Nau Mprơ Ơm 119:1

Ueh maak yơh phung mâu hôm geh bu dơi nduyh tâm trong khân păng, Phung hăn tĭng nau vay Brah Yêhôva.

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 128:1

Ueh maak yơh ma mbu nơm klach yơk ma Brah Yêhôva, Hăn tâm trong păng!

Nau Mprơ Ơm 18:1

Ơ Brah Yêhôva, May jêng nau ktang gâp, Gâp rŏng ma May.

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Nau Kơp Bunuyh 16:15

Y-Môis ji nuih ngăn jêh ri lah ma Brah Yêhôva: “Dăn Kôranh Brah lơi dơn ma ndơ ƀư brah khân păng nhhơr. Gâp mâu nhŭp du mlâm seh bri ôh tă bơh khân păng jêh ri gâp mâu mâp ƀư nau mhĭk ôh ma du huê nuyh tâm khân păng.”

Yôhan 15:10

Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”