II Samuel 21:2 - Nau Brah Ndu Ngơi 2023

² Hađăch kuăl phung Gibêôn tât jêh ri ngơi ndrel đah khân păng — Phung Gibêôn mâu jêng phung Israel ôh, ƀiălah khân păng jêng hôm e klen tă bơh phung Amôrit. Nđâp tơlah phung Israel hŏ geh nau ton ma khân păng, ƀiălah Y-Sôl hŏ joi nau ƀư rai khân păng yor nau duh nđơr păng ma phung ƀon lan Israel jêh ri phung Yuđa.

II Samuel 21:2 Iomraidhean Croise

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

II Samuel 24:1

Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

II Phung Hađăch 10:16

Y-Jêhu lah: “Văch hom ndrel gâp jêh ri uănh nau gâp nsrôih nsram ma Brah Yêhôva.” Pôri khân păng hăn ndrel hao ncho klơ ndeh seh Y-Jêhu.

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

I Nau Rêh Jêng 1:14

jêh ri phung Jêbusit, phung Amôrit, phung Girgasit,

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 10:2

Gâp mbơh nkoch ma khân păng geh nau duh nđơr ma Brah Ndu, ƀiălah nau duh nđơr nây pưt nau gĭt rbăng.

Galati 4:17

Phung nây geh nau duh nđơr ma khân may mâu di yor ma geh nuih n'hâm ueh ôh, ƀiălah khân păng ŭch tâm nkhah tâm pă khân may đah hên gay khân may duh nđơr đah khân păng.

Nau Vay Nkah Tay 7:16

Pôri ăn khân may ƀư rai lơi phung ƀon lan Yêhôva Brah Ndu khân may jao jêh ma khân may, lơi yô̆ ôh khân păng; mâu lĕ pah kan ma lĕ brah khân păng, yorlah nau nây mra jêng dăk sân ma khân may.

I Samuel 14:44

Y-Sôl lah: “Hơi Y-Jônathan, tơlah may mâu khĭt, dăn Brah Ndu ƀư nau tât ma gâp jâk jêr.”