II Samuel 21:12 - Nau Brah Ndu Ngơi 2023

¹² Y-Đavit hăn sŏk nting Y-Sôl jêh ri nting Y-Jônathan, kon bu klâu Y-Sôl, ntơm bơh phung mât uănh ƀon Jabes tâm n'gor Gilêat. Phung nây hŏ sŏk ntŭng săk jăn khĭt Y-Sôl jêh ri kon păng tă bơh ta nklang ƀon Bet-San, ntŭk phung Philistin yông ko khân păng tâm nar phung Philistin dơi đah Y-Sôl ta Gilbôa.

II Samuel 21:12 Iomraidhean Croise

II Samuel 1:21

Hơi phung yôk Gilbôa! Lơi ăn geh dak ngom jêh ri mih ta klơ khân may, Jêh ri mir mâu geh ba, ndơ ƀư brah mâu geh; Yorlah ta ntŭk nây, khêl phung janh ktang ƀơ̆ jêh, Nây jêng khêl Y-Sôl, bu mâu hôm mhĭng dak ngi ôh.

II Samuel 1:6

Nơm ndăm nây lah: “Nkhêp gâp gŭ ta klơ yôk Gilbôa jêh ri saơ hađăch Y-Sôl gŭ ta nây nsing ta tak păng, tâm nôk ndeh seh jêh ri phung tahan ncho seh phung rlăng tĭng ban dăch păng.

II Samuel 2:4

Phung Yuđa hăn tât ta nây jêh ri tŏ dak ƀâu kah ma Y-Đavit jêng hađăch ma ngih Yuđa. Bu mbơh ma Y-Đavit: “Phung ƀon lan ta ƀon Jabes Gilêat hŏ tâp jêh Y-Sôl.”

II Samuel 21:11

Tơlah bu mbơh ma Y-Đavit nau H'Rispa, kon bu ur Y-Aiya, ur yông Y-Sôl, ƀư jêh,

II Samuel 21:13

Jêh nây hađăch djôt leo nting Y-Sôl jêh ri nting Y-Jônathan, kon păng, plơ̆ sĭt tă bơh Jabes. Bu sŏk đŏng lĕ nting phung bu yông jêh nko,

I Nau Rêh Jêng 10:1

Rnôk nây, phung Philistin tâm lơh đah phung Israel. Phung Israel nchuăt du panăp phung Philistin; khân păng cha lôt khĭt ta klơ yôk Gilbôa.

I Nau Rêh Jêng 10:12

lĕ rngôch phung tahan janh ktang dâk hăn trong, sŏk săk jăn hađăch Sôl jêh ri săk jăn phung kon bu klâu păng djôt leo sĭt ta Jabes. Khân păng tâp brôi lĕ săk jăn nây tâm dâng tơm n'ho ta Jabes, jêh ri ver sa tâm pơh nar.

I Nau Rêh Jêng 10:8

Nar ôi taơ, tơlah phung Philistin tât ŭch pit sŏk ndô ndơ bơh phung khĭt tâm nau tâm lơh, khân păng saơ Y-Sôl jêh ri phung kon bu klâu păng cha lôt khĭt jêh ta klơ yôk Gilbôa.

Yôsuê 17:11

Tâm n'gor neh Isakar jêh ri phung Aser, Manasê hôm geh ƀon Bet-Sêan nđâp ma lĕ ƀon jê̆ păng jêh ri ƀon Iblêam nđâp ma ƀon jê̆ păng, n'ho ma lĕ phung bunuyh gŭ tâm ƀon Dôrơ nđâp ma lĕ ƀon jê̆ păng, phung bunuyh gŭ tâm ƀon Ên-Dôr nđâp ma lĕ ƀon jê̆ păng, phung bunuyh gŭ tâm ƀon Tanak nđâp ma lĕ ƀon jê̆ păng, phung bunuyh gŭ tâm ƀon Mêgidô nđâp ma lĕ ƀon jê̆ păng, jêh ri ƀon tal pe jêng Naphat.

I Samuel 28:4

Phung Philistin hŏ tâm rƀŭn jêh ri văch ƀư pôih tahan ta Sunem. Bi Y-Sôl tâm ban lĕ, rgum lĕ rngôch phung Israel, jêh ri ƀư pôih tahan ta Gilbôa.

I Samuel 31:1

Rnôk nây, phung Philistin tâm lơh đah phung Israel. Phung tahan Israel nchuăt du panăp phung Philistin, jêh ri âk nuyh tâm phung khân păng bu khĭt, cha lôt khĭt ta klơ yôk Gilbôa.

I Samuel 31:3

Nau tâm lơh jêng ktang ngăn ma Y-Sôl. Phung tahan na pănh gĭt năl hađăch jêh ri pănh geh ta hađăch, pôri hađăch geh nau sôt rmanh.

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.