II Samuel 21:10 - Nau Brah Ndu Ngơi 2023

¹⁰ H'Rispa, kon bu ur Y-Aiya, sŏk du pŏk bok ƀau lăk klơ lŭ dŏng ƀư sưng bê̆ch ma păng nơm. Jêh nây ntơm bơh yan rek kŏ tât tơlah geh dak mih tă bơh trôk nkhŭt jŭr ta săk jăn khĭt khân păng; nôk nar păng nching mâu ăn ôh sĭm tâm trôk drâm klơ khân păng, mâu lah mpô mpa bri văch dăch khân păng dôl măng.

II Samuel 21:10 Iomraidhean Croise

Nau Ntơm 40:19

Hôm pe nar, Pharaôn mra koh trô ko may jêh ri yông may ta tơm si. Sĭm och mra sa puăch may.”

II Samuel 21:11

Tơlah bu mbơh ma Y-Đavit nau H'Rispa, kon bu ur Y-Aiya, ur yông Y-Sôl, ƀư jêh,

II Samuel 3:7

Kăl e ri, Y-Sôl geh du huê ur yông, amoh H'Rispa, kon bu ur Y-Aiya. Y-Isbôset lah ma Y-Apner: “Mâm ƀư may lăp gŭ đah ur yông mbơ̆ gâp?”

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Êsêkiêl 39:4

May mra cha lôt khĭt ta klơ lĕ yôk Israel; may jêh ri lĕ rngôch tahan may, lĕ rngôch phung ƀon lan hăn tĭng may tâm ban lĕ. Gâp mra jao may ma ăp phung sĭm jêh ri ma mpô mpa bri ƀư ndơ sa.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Yôel 1:18

Ri, mpô mpa nter nhhiăng hâu ngăn ngên! Phung ndrôk rmlơ uh ah ngăn! Yorlah khân păng mâu geh ndrêch gơ̆ sa đŏng ôh. Lĕ rngôch phung biăp rêh ni tâm ban lĕ.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Sakari 10:1

Dăn hom ma Brah Yêhôva ăn dak mih yan nglĕ dŭt, Brah Yêhôva mra ƀư nglaih lơp, Jêh ri ăn dak mih âk rmeh, Gay ma ăp nuyh dơi geh biăp n'ha tâm mir.

Nau Vay Nkah Tay 11:14

pôri Păng mra ăn dak mih tâm n'gor di yan, nđâp dak mih yan mih jêh ri dak mih yan kao, gay ma khân may dơi bun prăp ba, ndrănh jêh ri dak ngi.

Nau Vay Nkah Tay 21:13

păng tơh lơi ao bu nă, jêh ri gŭ tâm vâl khân may, nhĭm ma mê̆ mbơ̆ păng tât lôch du khay. Jêh nây khân may dơi hăn gŭ ndrel păng, nđăp păng ƀư ur jêh ri bu ur nây mra jêng ur khân may.

Nau Vay Nkah Tay 21:22

“Tơlah geh du huê bu ƀư tih khư ma nau khĭt jêh ri bu nkhĭt păng, yông hom păng klơ tơm si,

Nau Vay Nkah Tay 21:23

ƀiălah mâu dơi cha lat ôh săk jăn khĭt ta klơ tơm si lôch du măng, ƀiălah ăn khân may tâp ro păng tâm nar nây, yorlah mbu nơm bu yông klơ tơm si jêng nơm lĕ Brah Ndu de rak rtăp jêh. Khân may mâu dơi ƀư ƀơ̆ ôh n'gor neh Yêhôva Brah Ndu khân may ăn ma khân may jêng drăp ndơn.”

I Samuel 17:44

bu klâu Philistin lah tay: “Văch hom ta aơ, gâp mra ăn puăch may ma sĭm tâm trôk jêh ri ma mpô mpa bri.”

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,