II Samuel 20:9 - Nau Brah Ndu Ngơi 2023

⁹ Y-Jôap lah ma Y-Amasa: “Mbah ma may, may geh nau đăp mpăn lĕ?” Jêh nây ti ma Y-Jôap kuăn ta têp Y-Amasa gay chŭm păng.

II Samuel 20:9 Iomraidhean Croise

II Samuel 15:5

Rlau lơn ma nĕ, tơlah geh bunuyh hăn văch dăch ŭch chon mon mbah ma Y-Apsalôm, păng yơr ti păng kuăn păng jêh ri chŭm păng.

II Samuel 17:25

Y-Apsalôm dơm njêng Y-Amasa jêng kôranh ma phung tahan ntrok Y-Jôap. Y-Amasa jêng du huê kon bu klâu du huê bunuyh Israel amoh Y-Itra, jêng bunuyh hŏ gŭ nsum đah H'Abigêl, kon bu ur Y-Nahas, jêh ri yuh H'Sêruya, mê̆ Y-Jôap.

II Samuel 18:29

Ƀiălah hađăch ôp: “Bu klâu ndăm Y-Apsalôm geh nau đăp mpăn đŏng?” Y-Ahimas plơ̆ sĭt lah: “Tơlah Y-Jôap prơh oh mon may hăn, gâp saơ bu ƀư nau drơu drơu hâu ngăn, ƀiălah gâp mâu gĭt ôh moh nau lĕ tât geh.”

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Nau Hôr 26:23

Bâr mbung duh nđơr ƀiălah nuih n'hâm mhĭk Tâm ban ma yăng neh mbĭr prăk padih.

Nau Hôr 27:6

Mĭt jiăng ƀư sôt rmanh yor nau rŏng nanê̆ ngăn, Jêng rlau lơn đah nơm rlăng chŭm ma nau ndơm.

Yêrêmi 41:2

pôri Y-Ismaêl, kon bu klâu Y-Nêthania, ndrel jât nuyh hăn tĭng, tăk đao nkhĭt khĭt Y-Gêdalia, kon bu klâu Y-Ahikam, sau Y-Saphan, jêng nơm hađăch Babilôn hŏ njêng kôranh toyh chiă uănh bri dak.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Phung Kôranh Phat Dôih 3:15

Phung ƀon lan Israel nter tay ma Brah Yêhôva, jêh ri Brah Yêhôva săch ăn ma khân păng du nơm rklaih jêng Y-Êhut, kon bu klâu Y-Gêra, bơh noi deh Benjamin, jêng bunuyh vay dŏng ti chiau. Phung ƀon lan Israel njuăl ma Y-Êhut djôt leo ndơ nhhơr ăn ma Y-Êglon, hađăch n'gor Môap.