II Samuel 20:22 - Nau Brah Ndu Ngơi 2023

²² Jêh nây bu ur nây văch tanăp lĕ rngôch phung ƀon lan, jêh ri blau mĭn nsŭk nsôr khân păng. Bu koh trô ko Y-Sêba, kon Y-Bikri, jêh ri mƀăr ăn ma Y-Jôap. Y-Jôap uh nŭng rŭch plơ̆ phung tahan, lĕ rngôch bunuyh du tă bơh ƀon, ăp nơm plơ̆ sĭt rlet ma ngih khân păng nơm. Bi Y-Jôap plơ̆ sĭt ma hađăch ta Yêrusalem.

II Samuel 20:22 Iomraidhean Croise

II Samuel 18:16

Jêh nau nây, Y-Jôap uh nŭng jêh ri phung tahan mâu hăn tĭng phung tahan Israel đŏng, yorlah Y-Jôap nkân khân păng.

II Samuel 18:17

Khân păng sŏk săk jăn Y-Apsalôm mƀăr tâm ntu brŏng tâm krŏng, jêh nây bun lŭ ta klơ păng jêng du mpưm dŭt toyh. Rnôk nây, lĕ rngôch phung Israel nchuăt du da dê, ăp nơm plơ̆ sĭt ngih vâl păng nơm.

II Samuel 2:28

Y-Jôap uh nŭng, lĕ rngôch phung ƀon lan rlu da dê, mâu hôm tĭng phung Israel ôh jêh ri mâu hôm tâm lơh đŏng ôh.

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

II Samuel 20:16

Rnôk nây, geh du huê bu ur blau mĭn gŭ tâm ƀon kuăl huy ma khân păng, jêh ri lah: “Iăt, iăt hom! Mbơh hom ma Y-Jôap: ‘Văch dăch hom ta aơ, gâp ŭch nkoch bri ma păng.’”

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.