II Samuel 20:21 - Nau Brah Ndu Ngơi 2023

²¹ Nau nây mâu di jêng nau mĭn gâp ôh. Ƀiălah geh du huê bunuyh gŭ ta bri klơ dor yôk Êphraim, amoh Y-Sêba, kon bu klâu Y-Bikri, păng hŏ dâk tâm rdâng đah hađăch Đavit. Jao hom knŏng du huê păng dơm, gâp mra rŭch plơ̆ tă bơh ƀon aơ.” Bu ur nây lah ma Y-Jôap: “Ri, bu mra mƀăr bôk păng rlau mpêr ƀon ăn ma may.”

II Samuel 20:21 Iomraidhean Croise

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

II Samuel 20:2

Lĕ rngôch phung Israel chalơi Y-Đavit gay hăn tĭng ndô̆ Y-Sêba, kon Y-Bikri. Ƀiălah phung Yuđa ăt răp jăp ma hađăch, tĭng ndô̆ hađăch ntơm bơh dak krong Yurdan tât ma ƀon Yêrusalem.

II Samuel 20:20

Y-Jôap plơ̆ lah: “Mâu ôh! Gâp mâu mâp mĭn nau ƀư rai mâu lah mbang chah tâm ban pônây ôh!

II Samuel 23:18

Y-Abisai, oh Y-Jôap, kon H'Sêruya, jêng kôranh chiă uănh ma mpôl “pe jât”. Păng nơm hŏ rjăng tak lơh jêh ri nkhĭt pe rhiăng nuyh, jêh ri geh nau lư n'găr tâm pe tahan janh ktang nây.

I Phung Hađăch 11:26

Y-Jêrôbôam, kon bu klâu Y-Nêbat, bunuyh Êphraim, ta n'gor Sêrêda, păng hŏ tă pah kan ma Y-Salômôn, dâk đŏng tâm rdâng đah hađăch. Mê̆ păng jêng du huê bu ur ndrô amoh H'Sêrua.

II Phung Hađăch 10:7

Tơlah dơn samƀŭt nây, khân păng nhŭp ro jêh ri nkhĭt lơi pơh jât phung kon bu klâu Y-Ahap, jêh nây dơm bôk khân păng tâm lĕ bĭ jêh ri njuăl bôk nây ma Y-Jêhu ta ƀon Jesrêel.

II Phung Hađăch 5:22

Y-Gêhasi plơ̆ lah: “Lĕ rngôch nau jêng nau đăp mpăn. Kôranh gâp prơh gâp hăn lah ma may: ‘Ndơh nơh, geh bar hê phung bu klâu ndăm, jêng oh mon phung nơm mbơh lor, tă bơh n'gor klơ dor yôk Êphraim văch tât. Gâp dăn ma may ăn ma khân păng pe jât kilô prăk jêh ri bar gu kho ao.’”

Yêrêmi 4:15

Yorlah geh bâr mbơh tă bơh neh Dan, Jêh ri mbơh nau ji tưp tă bơh yôk Êphraim.

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Yôsuê 24:33

Y-Êlêasar, kon bu klâu Y-Arôn, khĭt, jêh ri bu tâp păng ta ƀon Gêbêa, jêng kô̆ neh ăn ma kon bu klâu păng jêng Y-Phinêas, tâp păng ta ƀon Gêbêa, tâm bri klơ dor yôk Êphraim.

Phung Kôranh Phat Dôih 2:9

Bu tâp păng tâm kô̆ n'gor bơh drăp ndơn păng ta Timnat-Hêres ta n'gor klơ dor yôk Êphraim, mpeh pa lơ yôk Gas.

Phung Kôranh Phat Dôih 7:24

Nôk nây, Y-Gidêôn prơh phung mbơh hăn lam n'gor klơ dor yôk Êphraim, ntrŭnh nau ntăm: “Hăn trŭnh hom tâm lơh ma phung tahan Madian, pit sŏk dak krong Yurdan jêh ri lĕ dak n'hor kŏ tât ta Bet-Bara.” Yor nây phung tahan Êphraim rgum pit sŏk dak krong Yurdan jêh ri lĕ dak n'hor kŏ tât ta Bet-Bara

Phung Kôranh Phat Dôih 9:55

Tơlah Phung ƀon lan Israel saơ Y-Abimêlek lĕ khĭt jêh ăp nơm sĭt ngih păng nơm.

I Samuel 24:6

Pônây, nuih n'hâm Y-Đavit nduyh êng păng nơm yor nau păng koh ntôr ao rjai hađăch Y-Sôl.

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”