II Samuel 20:13 - Nau Brah Ndu Ngơi 2023

¹³ Tơlah lĕ sŏk jêh păng tă bơh trong, lĕ rngôch phung ƀon lan hăn tĭng ndô̆ Y-Jôap, gay tĭng rgot Y-Sêba, kon bu klâu Y-Bikri.

II Samuel 20:13 Iomraidhean Croise

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

II Samuel 20:11

Du huê bu klâu ndăm tâm phung tahan Y-Jôap gŭ dâk dăch săk jăn Y-Amasa jêh ri kuăl: “Mbu rŏng ma Y-Jôap, jêh ri mbu nơm gŭ mpeh Y-Đavit, tĭng ndô̆ hom Y-Jôap.”

II Samuel 20:14

Y-Sêba hăn lam lĕ ndŭl mpôl Israel, tât ma ƀon Abel Bet-Maka; lĕ rngôch phung Bêrit tâm rgum da dê jêh ri tĭng ma păng.

II Phung Hađăch 18:17

Ƀiălah hađăch Asiri prơh Y-Tartan, Y-Rabsaris, jêh ri Y-Rapsaka hăn, djôt leo ndrel ma du phung tahan ktang tă bơh Lakis tât ta ƀon Yêrusalem tâm mâp đah hađăch Hêsêkia. Khân păng hao tât ta ƀon Yêrusalem. Tơlah tât ta nây, khân păng gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Êsai 36:2

Hađăch bri Asiri njuăl Rabshakeh bơh Lakis tât ta Yêrusalem đah du phung tahan âk gay nkrit nhhu hađăch Hêsêkia. Rabshakeh gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Êsai 7:3

Brah Yêhôva lah ma Y-Êsai: “May ndrel kon bu klâu may jêng Y-Sêar-Jasup hăn tâm mâp đah Y-Ahas ta dŭt n'ho rmlông dak bơh nglao klơ, ta trong toyh leo tât ta mir phung ƀư kloh bok.

Yêrêmi 31:21

“Ndâk hom n'gâng, Ndâk hom ndơ ntĭm trong; Sek uănh nanê̆ trong toyh, Trong may hŏ hăn rgăn jêh. Ơ bu ur druh Israel, plơ̆ sĭt hom, Plơ̆ sĭt hom ma ƀon may!

Nau Kơp Bunuyh 20:19

Phung ƀon lan Israel lah tay ma păng: “Hên mra hăn tĭng trong toyh, jêh ri tơlah hên jêh ri mpô mpa rong hên nhêt dak may, hên mra mplơ̆ prăk. Knŏng dăn ăn hên hăn rgăn ta nây, hên mâu ƀư nau êng ôh.”

Markôs 10:46

Brah Yêsu jêh ri oh mon păng hăn tât ta ƀon Yêrikô. Dôl Păng ndrel ma phung oh mon jêh ri phung ƀon lan âk du tă bơh ƀon, geh du huê bunuyh chieh măt amoh păng Y-Bartimê, kon bu klâu Y-Timê, gŭ kêng meng trong gŭ kâp dăn ndơ sa.

Phung Kôranh Phat Dôih 21:19

Yor ri, khân păng lah: “Aơ, ăp năm geh ƀư du nau rƀŭn ma Brah Yêhôva ta Silô, mpeh dor Bêthel, mpeh luh nar ta trong hăn bơh Bêthel tât ta Sichem jêh ri mpeh rđŭng Lêbôna.”

I Samuel 6:12

Bar mlâm ndrôk nây hăn sŏng tĭng trong sĭt leo ƀon Bet-Sêmes. Khân păng ăt hăn tĭng trong toyh, rđuh dôl hăn, mâu teng mpeh pa ma, mâu lah teng mpeh pa chiau ôh. Phung kôranh Philistin hăn tĭng groi pakơi khân păng kŏ tât ta n'har Bet-Sêmes.