II Samuel 20:12 - Nau Brah Ndu Ngơi 2023

¹² Săk jăn Y-Amasa bêng ma mham, bê̆ch ta nklang trong. Nơm nây saơ lĕ rngôch bunuyh gŭ nsrŭng da dê êp săk jăn Y-Amasa, yor ri mpâk lơi săk jăn Y-Amasa tă bơh trong, ăn tâm du mir, jêh nây put păng ma du blah bok.

II Samuel 20:12 Iomraidhean Croise

II Samuel 17:25

Y-Apsalôm dơm njêng Y-Amasa jêng kôranh ma phung tahan ntrok Y-Jôap. Y-Amasa jêng du huê kon bu klâu du huê bunuyh Israel amoh Y-Itra, jêng bunuyh hŏ gŭ nsum đah H'Abigêl, kon bu ur Y-Nahas, jêh ri yuh H'Sêruya, mê̆ Y-Jôap.

II Samuel 2:23

Yorlah Y-Asahel mâu ŭch plơ̆ ôh, yor nây Y-Apner ntâp păng ta ndŭl ma chiông tak kŏ tât rho đah ri. Y-Asahel cha lôt jêh ri khĭt ta ntŭk nây. Lĕ rngôch bunuyh hăn tât ta ntŭk Y-Asahel chôt khĭt nsrŭng da dê.

II Samuel 20:11

Du huê bu klâu ndăm tâm phung tahan Y-Jôap gŭ dâk dăch săk jăn Y-Amasa jêh ri kuăl: “Mbu rŏng ma Y-Jôap, jêh ri mbu nơm gŭ mpeh Y-Đavit, tĭng ndô̆ hom Y-Jôap.”

II Samuel 20:13

Tơlah lĕ sŏk jêh păng tă bơh trong, lĕ rngôch phung ƀon lan hăn tĭng ndô̆ Y-Jôap, gay tĭng rgot Y-Sêba, kon bu klâu Y-Bikri.

Nau Mprơ Ơm 55:23

Ơ Brah Ndu, phung ji hir mham jêh ri mƀruh ndơm Mâu mra dơi gŭ rêh n'gul mrô nar hŏ nal jêh ma păng, Kôranh Brah mra nklơ̆ khân păng Jŭr tâm ntu roh rai; Ƀiălah gâp ăt hôm rnơm nsing ma Păng.

Nau Mprơ Ơm 9:16

Brah Yêhôva tâm mpơl êng Păng Nơm rgăn đah nau di; Phung mhĭk geh dăk yor ti khân păng nơm sân jêh. (Higaiôn. Sêla)