II Samuel 2:5 - Nau Brah Ndu Ngơi 2023

⁵ Y-Đavit prơh phung mbơh hăn tât phung ƀon lan Jabes Gilêat: “Dăn ma Brah Yêhôva ăn nau ueh uĭn ma khân may, yorlah khân may hŏ mpơl jêh nuih n'hâm ueh ma Y-Sôl, kôranh khân may, jêh ri tâp păng!

II Samuel 2:5 Iomraidhean Croise

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nau Ntơm 14:22

Ƀiălah Y-Abram lah ma hađăch ƀon Sôdôm: “Gâp hŏ yơr ti tanăp măt Yêhôva Brah Ndu Dŭt Prêh, Nơm rhăk jêng trôk jêh ri neh ntu, jêh ri ton pô aơ

II Samuel 15:20

May mhe tât nar nđaơ, jêh ri nar aơ mâm gâp dơi rom may du nsong mblêng ndrel hên, tâm nôk gâp mâu gĭt ôh ntŭk gâp mra hăn? Plơ̆ sĭt hom jêh ri leo phung oh nâu phung Gitit hăn tĭng may. Dăn ma Kôranh Brah mpơl nau ueh jêh ri nau răp jăp ngăn Păng gŭ tâm may!”

II Samuel 21:12

Y-Đavit hăn sŏk nting Y-Sôl jêh ri nting Y-Jônathan, kon bu klâu Y-Sôl, ntơm bơh phung mât uănh ƀon Jabes tâm n'gor Gilêat. Phung nây hŏ sŏk ntŭng săk jăn khĭt Y-Sôl jêh ri kon păng tă bơh ta nklang ƀon Bet-San, ntŭk phung Philistin yông ko khân păng tâm nar phung Philistin dơi đah Y-Sôl ta Gilbôa.

Nau Mprơ Ơm 115:15

Dăn Brah Yêhôva jêng Nơm rhăk jêh trôk jêh ri neh ntu. Ăn nau ueh uĭn ma khân may.

Yôsuê 2:14

Bar hê bu klâu nây plơ̆ lah: “Nau rêh hên mra ntrok ma nau rêh ay! Tơlah ay mâu mbơh ma bu kan hên, hên mra sŏk nau răp jăp jêh ri nuih n'hâm ueh ƀư ma ay nôk Brah Yêhôva ăn neh aơ ma hên.”

Phung Kôranh Phat Dôih 21:8

Pônây, khân păng lah: “Mbu nơm tâm phung ndŭl mpôl Israel mâu tâm mpơl măt ôh tanăp Brah Yêhôva ta Mispa?” Khân păng saơ mâu geh du huê bơh Jabes ta Gilêat văch tât ma ntŭk gay tâm rƀŭn.

Bu ur Rut 1:8

Ƀiălah H'Naômi lah ma bar hê ƀăn păng pô aơ: “Hăn hom, ăp nơm khân ay sĭt ma ngih mê̆ khân ay. Dăn Brah Yêhôva mpơl nau ueh ma khân ay, tâm ban khân ay hŏ mpơl nau ueh jêh ma gâp jêh ri đah bar hê drô kon gâp.

Bu ur Rut 2:20

H'Naômi lah ma ƀăn păng pô aơ: “Dăn ma Brah Yêhôva ăn nau ueh uĭn ma Y-Bôas yorlah Păng mâu blau dŭt ăn nau yô̆ ma phung rêh jêh ri phung khĭt!” H'Naômi lah tay: “Bu klâu nây jêng ndŭl mpôl đah he, jêng du huê tâm phung geh nau dơi chuai drăp ndơn bơh he.”

Bu ur Rut 3:10

Păng plơ̆ lah: “Ơ kon bu ur gâp, dăn Brah Yêhôva ăn nau ueh uĭn ma ay! Nau ueh ay ƀư tơ̆ aơ toyh lơn tơ̆ lor nơh, yorlah ay mâu tĭng joi ôh phung bu klâu ndăm, nđâp lah o ach mâu lah ndrŏng.

I Samuel 11:1

Y-Nahas, bunuyh Ammôn, hăn hao nchueng jŭm Jabes Gilêat. Lĕ rngôch bunuyh gŭ tâm Jabes lah ma Y-Nahas: “Dăn ndâk hom nau tâm rnglăp ma hên, hên mra pah kan ma may.”

I Samuel 11:9

Khân păng lah ma phung mbơh hŏ văch jêh tă bơh Gilêat pô aơ: “Hăn sĭt hom lah ma phung Jabes Gilêat kơt aơ: ‘Ôi taơ, tơlah nar hao prêh klơ, khân may mra geh nau tâm rklaih.’” Tơlah phung hăn mbơh tât jêh, jêh ri mbơh ma phung bu klâu ta ƀon Jabes, khân păng maak ngăn,

I Samuel 15:13

Y-Samuel hăn tât ma Y-Sôl, jêh ri Y-Sôl lah ma păng: “Dăn ma Brah Yêhôva ăn nau ueh uĭn ma may! Gâp ƀư jêh tĭng nâm nau Brah Yêhôva ntăm.”

I Samuel 23:21

Y-Sôl lah: “Dăn ma Brah Yêhôva ăn nau ueh uĭn ma khân may, yor khân may geh nuih n'hâm yô̆ nđach ma gâp!

I Samuel 24:19

Nar aơ, may hŏ mpơl jêh pô aơ may ƀư nau ueh ma gâp; yorlah Brah Yêhôva hŏ jao gâp tâm ti may, ƀiălah may mâu geh nkhĭt gâp ôh.